У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

19 Сак 2019

Мінск 30 сакавіка на гадзіну адключыць падсвечванне знакавых архітэктурных аб'ектаў

Мінск 30 сакавіка на гадзіну адключыць падсвечванне знакавых архітэктурных аб'ектаў

19 сакавіка, Мінск /Кар. БЕЛТА/. Мінск 30 сакавіка далучыцца да акцыі "Гадзіна Зямлі" і з 20.30 да 21.30 пагасіць агні на знакавых архітэктурных аб'ектах, паведамілі БЕЛТА ў Мінскім гарадскім камітэце прыродных рэсурсаў і аховы навакольнага асяроддзя.

Глабальная акцыя "Гадзіна Зямлі" праводзіцца па ўсёй планеце Сусветным фондам дзікай прыроды, у Беларусі яна адбудзецца 11-ы раз. Арганізатары заклікаюць усіх неабыякавых да будучыні планеты ў гэты дзень на 60 мінут адключыць святло і бытавыя прыборы.

У мінулым годзе ў сталіцы адключылі падсвечванне Нацыянальнай бібліятэкі, Нацыянальнага акадэмічнага Вялікага тэатра оперы і балета, Нацыянальнага акадэмічнага тэатра імя Янкі Купалы, Беларускай дзяржаўнай філармоніі, Нацыянальнага мастацкага музея, Беларускага дзяржаўнага музея гісторыі Вялікай Айчыннай вайны і яшчэ больш за 250 аб'ектаў.

"Мэта "Гадзіны Зямлі" не ў тым, каб сэканоміць электрычнасць. Гэта сімвал беражлівага стаўлення да прыроды. З году ў год мерапрыемства дае магчымасць прыцягнуць увагу да неабходнасці адказнага стаўлення да прыроды", - адзначылі ў камітэце.

Акцыя добраахвотная: людзі самі вырашаюць, колькі і якія электрапрыборы яны выключаць, што можа стаць першым крокам да змянення прывычак у побыце. Эканомнае расходаванне электраэнергіі і цяпла, беражлівае стаўленне да вады і выбар другаснай перапрацоўкі паперы і іншых матэрыялаў дапамагае скараціць выкіды парніковых газаў - галоўнай прычыны цяперашняга змянення клімату.

"Гадзіна Зямлі" - масавая экалагічная акцыя, да якой у 2018 годзе далучыліся людзі са 187 краін. Падсвечванне было выключана больш як на 3,1 тыс. архітэктурных аб'ектаў. У Беларусі мерапрыемствы прайшлі ў 22 населеных пунктах.

Арганізацыяй акцыі ў рэспубліцы займаецца таварыства "Зялёная сетка" пры садзейнічанні Міністэрства прыродных рэсурсаў і аховы навакольнага асяроддзя, Мінгарвыканкама і іншых выканаўчых камітэтаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс