Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

2 Mar 2017

Мерапрыемствы да 500-годдзя беларускага кнігадрукавання пройдуць і за мяжой

2 сакавіка, Мінск /Кар. БЕЛТА/. Мерапрыемствы да 500-годдзя беларускага кнігадрукавання пройдуць і за мяжой. Аб гэтым паведаміў сёння на прэс-канферэнцыі ў прэс-цэнтры БЕЛТА намеснік міністра інфармацыі Беларусі Аляксандр Карлюкевіч.

Плануюцца святочныя мерапрыемствы ў Польшчы, Чэхіі, Сербіі і іншых краінах. "Скарына - знакавае імя, якое дапамагае кантактаваць з усім светам", - сказаў Аляксандр Карлюкевіч.

Сярод мерапрыемстваў, якія ўжо адбыліся за мяжой, - прадстаўленне беларускай кнігі на 18-й міжнароднай Вільнюскай кніжкай выстаўцы-кірмашы. Акрамя таго, беларуская дэлегацыя наведала Вільнюскую беларускую гімназію імя Францыска Скарыны, дзе адбыўся круглы стол "Францыск Скарына і вытокі беларускага кнігадрукавання". Гэта мерапрыемства ўключана ў рэспубліканскі план па святкаванні 500-годдзя беларускага кнігадрукавання. Акрамя таго, гімназіі і аб'яднанню беларускіх грамадскіх арганізацый Літвы перададзены шэсць бібліятэчак новых кніг беларускіх выдавецтваў.

Такія мерапрыемствы пройдуць у розных краінах свету. У Бялградзе запланавана навукова-практычная канферэнцыя, у Маскве таксама адбудзецца шэраг мерапрыемстваў, у тым ліку прадстаўленне друкарскага станка, які наведвальнікі XXIV Мінскай міжнароднай кніжнай выстаўкі-кірмашу маглі бачыць у рабоце. Падключацца да гэтай эстафеты краіны Цэнтральнай Азіі, Кітай. Ідуць перагаворы аб фармаце скарынаўскіх мерапрыемстваў у Польшчы. Гэтыя падзеі за мяжой будуць праходзіць з удзелам прадстаўнікоў беларускай дыяспары, дадаў Аляксандр Карлюкевіч.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі