У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

17 Ліп 2017

МАЗы фінішавалі ў першай дзясятцы на чарговым этапе "Шаўковага шляху"

МАЗы фінішавалі ў першай дзясятцы на чарговым этапе "Шаўковага шляху"17 ліпеня, Мінск /Кар. БЕЛТА/. Грузавікі каманды "МАЗ-СПОРТаўта" фінішавалі ў першай дзясятцы на дзявятым этапе ралі-рэйду "Шаўковы шлях", паведамляе карэспандэнт БЕЛТА.

Удзельнікі пераадолелі спецучастак даўжынёй 421 км. Найбольшыя складанасці на трасе стваралі вялікія дзюны, на якіх было няпроста захаваць раўнавагу і не перавярнуцца. Пры гэтым рухаліся экіпажы на даволі высокай скорасці.

Лепшы сярод беларусаў вынік паказаў Сяргей Вязовіч, які прыехаў шостым. На спецучастку ён правёў 4 гадзіны 38 хвілін, прайграўшы пераможцу заезду Айрату Мардзееву з каманды "КАМАЗ-майстар" 18 хвілін. У турнірнай табліцы беларускі экіпаж займае сёмае месца і ўступае лідару гонкі расіяніну Дзмітрыю Сотнікаву 5 гадзін 10 хвілін.

"Спецучастак з дзюнамі не ўяўляў сур'ёзнай складанасці для нашых грузавікоў. Аднак на дарозе мы моцна стукнуліся і амаль не перавярнуліся праз капот. З-за гэтага нават нязначна пашкодзіў руку, але пералому, здаецца, няма", - расказаў Сяргей Вязовіч.

Экіпаж пад кіраўніцтвам Аляксандра Васілеўскага фінішаваў восьмым. Яго час - 4 гадзіны 49 хвілін, а адставанне ад пераможцы склала 29 хвілін. У абсалютнай кваліфікацыі сярод грузавікоў беларус замыкае першую дзясятку, адстаючы на 8 гадзін 43 хвіліны.

На 23 секунды пазней Аляксандра Васілеўскага прыехаў МАЗ Аляксея Вішнеўскага, які ў выніку заняў дзявятае месца. На такой жа пазіцыі экіпаж ідзе і ў агульным заліку, адстаючы ад лідара на 8 гадзін 14 хвілін.

На дзясятым этапе гоншчыкам падрыхтавалі спецучастак даўжынёй 360 км. Траса абяцае быць скораснай, пры гэтым экіпажам давядзецца праехаць паміж рэчышчамі рэк, якія высахлі.

Ралі-рэйд "Шаўковы шлях - 2017" праходзіць па тэрыторыях Расіі, Казахстана і Кітая. Завершыцца гонка 22 ліпеня ў кітайскім горадзе Сіянь

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску