С.Алейнік: Завяршылася трэцяе пасяджэнне Міжурадавай беларуска-інданезійскай камісіі па гандлёваму, эканамічнаму, навуковаму і тэхнічнаму супрацоўніцтву. Мы падпісалі падагульняючы Пратакол пасяджэння камісіі.
Адначасова было падпісана Пагадненне паміж Урадам Рэспублікі Беларусь і Урадам Рэспублікі Інданезія аб бязвізавых паездках для ўладальнікаў дыпламатычных і службовых пашпартоў.
Інданезія - важны партнёр Рэспублікі Беларусь, і мы разглядаем яе ў якасці самага значнага і сама перспектыўнага ў Паўднёва-Усходняй Азіі партнёра.
Інданезія - краіна, якая займае чацвёртае месца па насельніцтву і чатырнаццатае месца па тэрыторыі ў свеце, з'яўляецца буйнейшай краінай у рамках АСЕАН. Акрамя таго, у Інданезіі знаходзіцца штаб-кватэра АСЕАН. І сведчанем нашай цікавасці да гэтай краіны з'яўляецца адкрыццё ў жніўні бягучага года Пасольства Рэспублікі Беларусь у Інданезіі.
У ходзе пасяджэння камісіі мы абмеркавалі шырокі комплекс пытанняў развіцця гандлёва-эканамічнага супрацоўніцтва паміж нашымі краінамі. Мы канстатавалі значны рост тавараабароту, які па выніках 2010 года склаў 170 млн. долараў, а па выніках першых сямі месяцаў гэтага года ён склаў 130 млн. долараў.
Мы абмеркавалі шляхі дыверсіфікацыі экспарту беларускай прадукцыі ў Інданезію. Існуе значная цікавасць інданезійскага боку ў захаванні стабільных паставак калійных угнаенняў, у наладжванні паставак нашай кар'ернай тэхнікі, прадукцыі сельскагаспадарчага машынабудавання, дарожна-будаўнічай тэхнікі і ва ўдзеле беларускіх спецыялістаў у інфраструктурных праектах, якія запланаваны ўрадам Інданезіі генеральным планам да 2020 года.
Мы абмеркавалі стан і перспектывы пашырэння дагаворна-прававой базы нашых адносін. Цяпер у рабоце знаходзіцца каля 10-12 пагадненняў, мы разлічваем завяршыць яе ў бліжэйшы час і падпісаць у 2012 годзе ў ходзе плануемага візіту Прэзідэнта Рэспублікі Беларусь А.Р.Лукашэнкі ў Інданезію. Гэтыя пагадненні датычацца пытанняў эканамічнага супрацоўніцтва, заахвочвання і ўзаемнай абароны інвестыцый, прадухілення двайнога падаткаабкладання, супрацоўніцтва ў галіне сельскай гаспадаркі, у сферы навукі і тэхналогій, культуры, адукацыі, г.зн. практычна ўвесь спектр двухбаковага супрацоўніцтва паміж нашымі краінамі.
Пн | Аўт | Сер | Чцв | Пт | Сб | Нядз |
---|