У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

3 Ліс 2015

Матчы Кубка Прэзідэнцкага спартыўнага клуба будуць трансліравацца ў інтэрнэце

3 лістапада, Мінск /Кар. БЕЛТА/. З 5 па 7 лістапада на малой пляцоўцы "Чыжоўка-Арэны" пройдзе міжнародны турнір па хакеі з шайбай сярод юніёрскіх зборных каманд "Кубак Прэзідэнцкага спартыўнага клуба". Усе матчы турніру будуць трансліравацца ў інтэрнэце на сайце Прэзідэнцкага спартыўнага клуба і канале клуба ў Yоutube, паведамілі БЕЛТА ў прэс-службе дзяржаўна-грамадскага аб'яднання.

У міжнародным турніры сярод юніёрскіх зборных, які праводзіцца з 2007 года, прымуць удзел зборныя Беларусі, Расіі, Латвіі і Славакіі.

Найбольшая колькасць тытулаў пераможцы спаборніцтваў у юных расійскіх хакеістаў, якія станавіліся самымі моцнымі ў 2007-м, 2010-2013 гадах. У 2008-м, 2009-м і 2014-м гадах лепшымі былі гаспадары спаборніцтваў.

Кубак Прэзідэнцкага спартыўнага клуба - гэта абмен вопытам паміж удзельнікамі з розных краін, а таксама выдатная гульнявая практыка для юных хакеістаў.

Расклад турніру:

Малая пляцоўка "Чыжоўка-Арэны" (вул. Ташкенцкая, 19).

5 лістапада

13.00 Расія - Латвія

15.25 Урачыстая цырымонія адкрыцця турніру

16.15 Беларусь - Славакія

6 лістапада

13.00 Славакія - Расія

16.15 Латвія - Беларусь

7 лістапада

13.00 Славакія - Латвія

16.15 Беларусь - Расія

Арганізатарамі Міжнароднага турніру па хакеі з шайбай сярод юніёрскіх зборных каманд "Кубак Прэзідэнцкага спартыўнага клуба" выступаюць рэспубліканскае дзяржаўна-грамадскае аб'яднанне "Прэзідэнцкі спартыўны клуб", Мінгарвыканкам, асацыяцыя "Федэрацыя хакея Рэспублікі Беларусь".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс