У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

9 Врс 2015

Лізавецінскі манастыр Мінска праводзіць у Санкт-Пецярбургу дабрачынную выстаўку-кірмаш

9 верасня, Мінск /Кар. БЕЛТА/. Лізавецінскія дні, арганізаваныя Лізавецінскім манастыром горада Мінска, праходзяць у Санкт-Пецярбургу. Да 27 верасня ў Цэнтральным парку культуры і адпачынку ў час акцыі працуе выстаўка-кірмаш, на якой можна набыць вырабы майстэрань беларускага манастыра, паведамляе БЕЛТА са спасылкай на афіцыйны партал Беларускай праваслаўнай царквы.

"Шмат гадоў мы падтрымліваем традыцыю, закладзеную некалі вялікай княгіняй Лізаветай Фёдараўнай, праводзім дабрачынныя выстаўкі-кірмашы. Набываючы карысныя, неабходныя і прыгожыя вырабы ручной работы, людзі дапамагаюць шматдзетным сем'ям, састарэлым, адзінокім, хворым і іншым. Яшчэ адна наша задача - паказаць хараство, не толькі знешняе, якое ствараюць майстры, але і ўнутранае, прыгажосць чалавечай душы", - расказала куратар выстаўкі манашка Васіліса.

Паводле яе слоў, манастыр у літаральным сэнсе слова не стаіць убаку ад чалавечых патрэб і пакут. З аднаго боку каля яго размешчана псіхіятрычная бальніца для дарослых, з другога - інтэрнат для дзяцей. Той, хто аддае сілы на патрэбы людзей, нярэдка сам мае патрэбу ў спагадзе, і такія кірмашы даюць гэта, калі сустракаешся з добрым поглядам, неабыякавым сэрцам, а нярэдка і з дзейснай дапамогай.

Акрамя вырабаў манастырскіх майстэрань, наведвальнікі могуць азнаёміцца з фотавыстаўкай аб жыцці прападобнапакутніцы Лізаветы Фёдараўны і з гісторыяй, прысвечанай яе манастыру. Дзяцей чакае сустрэча з казкай у лялечным тэатры "Батлейка". Спектаклі паказваюцца кожную гадзіну, а пасля паказу можна азнаёміцца з галоўнымі героямі, прыняць удзел у гульнях і віктарынах.

У Святадухаўскім цэнтры Аляксандра-Неўскай лаўры 15 верасня адбудзецца спектакль "Маленькі прынц". Ён пастаўлены беларускім рэжысёрам і акцёрам Аляксандрам Ждановічам. Яго ўдзельнікі - выхаванцы інтэрната з асаблівасцямі псіхафізічнага развіцця. Дзеці, якія ніколі не стануць дарослымі, іграюць спектакль для дарослых, якія некалі былі дзецьмі.

Уваход на ўсе мерапрыемствы вольны.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс