Падзеі, факты, анонсы
Лукашэнку расказалі пра вясельны бум пасля яго прыезду ў Лошыцу
Фота з архiва
17 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка ў час наведвання ў Мінску Цэнтра тэхнічнай творчасці дзяцей і моладзі звярнуў увагу на добраўпарадкаванне прылеглай тэрыторыі і сталіцы ў цэлым, адзначыўшы добрую работу ў гэтым напрамку гарадскіх улад, перадае карэспандэнт БЕЛТА.
"Добра, што ты ўжо навучыўся Мінск у парадак прыводзіць. Калі ствараеш якую-небудзь жамчужыну, цукерку зробім, а вакол - страшна глядзець (так часам бывала раней. - Заўвага БЕЛТА). Дык мы за пяцігодку, магчыма, Мінск у парадак прывядзём", - сказаў кіраўнік дзяржавы.
Старшыня Мінгарвыканкама Уладзімір Кухараў далажыў аб работах па завяршэнні мадэрнізацыі Сляпянскай воднай сістэмы, рамонце вадаспадаў і навядзенні парадку ў прыбярэжнай зоне. "Усе збудаванні. Цяпер яна добраўпарадкавана практычна поўнасцю. Там і дзіцячыя пляцоўкі", - сказаў ён.
Створаны ўмовы ў тым ліку для актыўнага адпачынку людзей, добраўпарадкаваны трэнажорныя пляцоўкі.
"Дзецям, якія займаюцца такой справай (у Цэнтры тэхнічнай творчасці. - Заўвага БЕЛТА), спорт вельмі паказаны. Няхай займаюцца", - сказаў Аляксандр Лукашэнка.
Кіраўнік дзяржавы таксама пацікавіўся, як працуе комплекс "Лошыцкі" ў Мінску, які ён наведваў у верасні напярэдадні Дня горада. Нагадаем, у складзе комплексу ёсць і зала ўрачыстых цырымоній для рэгістрацыі шлюбаў. Аляксандр Лукашэнка тады пабываў на першай такой цырымоніі і асабіста павіншаваў маладажонаў.
"Вядома. Там такая рэклама! У дзесяць разоў больш заявак", - далажылі кіраўніку дзяржавы чыноўнікі, якія яго суправаджалі.
Было адзначана, што ў адзін з дзён нават не змаглі распісаць усіх жадаючых, бо фізічна не атрымлівалася задаволіць такую вялікую колькасць заявак.
"Ну, трэба неяк і ноччу, калі... - жартам заўважыў Прэзідэнт. - Людзі хочуць - трэба рабіць".
Прэзідэнту далажылі, што ў адказ на ажыятаж у комплексе для вяселляў сапраўды прапануюць розныя лакацыі для выязной рэгістрацыі шлюбаў. "Цяпер і ў сядзібе прапануем, і ўсюды. Там людзей цяпер! У выхадныя наогул забіта, не праціснуцца", - сказаў Уладзімір Кухараў.
версія для друку
зрабіць стартавай
дабавіць у выбранае