У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

10 Врс 2018

Лукашэнку падарылі карціну касманаўта Аляксея Лявонава

10 верасня, Мінск /Кар. БЕЛТА/. Прэзідэнту Беларусі Аляксандру Лукашэнку сёння на цырымоніі адкрыцця XXXI Міжнароднага кангрэса Асацыяцыі ўдзельнікаў касмічных палётаў падарылі карціну, напісаную Аляксеем Лявонавым - першым чалавекам, які пабываў у адкрытым космасе, перадае карэспандэнт БЕЛТА.

Падарунак кіраўніку дзяржавы ад імя ўсіх удзельнікаў кангрэса ўручыў беларускі лётчык-касманаўт, двойчы Герой Савецкага Саюза Пётр Клімук.

"Мы доўга думалі і абмяркоўвалі, што падарыць вам, Аляксандр Рыгоравіч, на памяць аб нашым кангрэсе. Толькі пабываўшы ў космасе, разумееш, што самае дарагое для любога чалавека - гэта Зямля і месца, дзе ён нарадзіўся - малая радзіма. Першы чалавек, які пабываў у адкрытым космасе, - Аляксей Лявонаў - намаляваў карціну, у якой злучаны космас у выглядзе ўзыходзячага сонца і Зямля ў выглядзе прыроды родных мясцін. Гэта вельмі сімвалічна і сугучна з тым, што зрабілі мы, абвясціўшы 2018 год у Беларусі Годам малой радзімы", - сказаў касманаўт. Ён са шкадаваннем дадаў, што Аляксей Лявонаў не змог прыняць удзел у форуме па стане здароўя.

Кіраўнік дзяржавы заявіў, што гэта карціна будзе падарункам усяму беларускаму народу і зойме пачэснае месца ў Палацы Незалежнасці. Аднак адразу яна будзе дэманстравацца ўдзельнікам кангрэса. "Каб яна нагадвала, што Аляксей разам з намі, ён побач. Таму што такі твор каштоўны. Ён неацэнны", - падкрэсліў ён.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску