Падзеі, факты, анонсы
Лукашэнка: Пры стварэнні адзінай інфармацыйнай прасторы важна захаваць Тэлерадыёвяшчальную арганізацыю СД
8 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка лічыць важным пры стварэнні адзінай інфармацыйнай прасторы захаваць Тэлерадыёвяшчальную арганізацыю Саюзнай дзяржавы, якая з'яўляецца асноўным каналам распаўсюджвання інфармацыі аб саюзным будаўніцтве. Аб гэтым ён заявіў 8 чэрвеня на пленарным пасяджэнні ІІІ Форуму рэгіёнаў Беларусі і Расіі, перадае карэспандэнт БЕЛТА.
У ліку прынцыпова важных тэм гэтага форуму кіраўнік беларускай дзяржавы назваў стварэнне адзінай інфармацыйнай прасторы.
Што датычыцца Тэлерадыёвяшчальнай арганізацыі Саюзнай дзяржавы, Аляксандр Лукашэнка лічыць, што "яе трэба не загубіць, а неабходна развіваць".
Ён нагадаў, што ў адрозненне ад беларускіх абласцей, дзе ў эфіры прысутнічаюць усе вядучыя расійскія тэлеканалы, на Расію вяшчае толькі адзін - "Беларусь 24", і тое не ўсюды. "Адкрыта скажу: ва ўмовах насычанасці расійскага медыяполя нашаму каналу патрэбна ваша падтрымка ў рэгіёнах", - падкрэсліў Аляксандр Лукашэнка. На яго думку, вельмі важна, каб расіяне ведалі, як на самай справе жывуць беларусы, каб атрымлівалі сапраўды аб'ектыўную інфармацыю.
версія для друку
зрабіць стартавай
дабавіць у выбранае