Падзеі, факты, анонсы

26 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў спачуванне родным і блізкім народнага артыста Расіі Мікалая Карачанцава. Аб гэтым БЕЛТА паведамілі ў прэс-службе кіраўніка дзяржавы.

"У памяці мільёнаў людзей ён назаўсёды застанецца выдатным артыстам і моцнай асобай. Створаныя ім у кіно і на тэатральных падмостках бліскучыя і яркія вобразы нязменна заваёўвалі публіку псіхалагічнай праўдзівасцю і глыбінёй характару", - гаворыцца ў спачуванні.

Аляксандр Лукашэнка адзначыў, што на беларускай зямлі творчасць Мікалая Карачанцава добра ведаюць і любяць. "Светлая памяць аб гэтым шчырым і абаяльным чалавеку назаўсёды застанецца ў нашых сэрцах", - падкрэсліў ён.