Падзеі, факты, анонсы

Ілья Шымановіч выйграў другое золата ЧЕ па плаванні на кароткай вадзе

8 лістапада, Мінск /Кар. БЕЛТА/. Беларускі плывец Ілья Шымановіч выйграў другое золата чэмпіянату Еўропы на кароткай вадзе ў Казані, паведамляе карэспандэнт БЕЛТА.

Пераможны час мінчаніна на дыстанцыі 50 м брасам - 25,25 сек. Гэта паўтарэнне сусветнага рэкорду, які ўстанавіў атлет з ПАР Кэмеран ван дэр Бург у лістападзе 2009 года.

Серабро заваяваў турэцкі спартсмен Эмрэ Сакчы, які паказаў на фінішы рэзультат 25,39 сек. Замкнуў тройку мацнейшых італьянец Нікала Марціненгі - 25,54 сек.

Гэта трэцяя ўзнагарода Ільі Шымановіча на кантынентальным форуме. У яго калекцыі медалёў тут - золата за вікторыю на дыстанцыі 200 м брасам і серабро - на 100 м брасам.

Таксама ў Казані вызначылася беларуска Настасся Шкурдай, якая выйграла серабро на дыстанцыі 100 м батэрфляем.

версія для друку

зрабіць стартавай

дабавіць у выбранае