У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

18 Сак 2016

Культурны фестываль "Кветкі Расіі" пройдзе ў Мінску з 27 красавіка па 7 мая

18 сакавіка, Мінск /Кар. БЕЛТА/. VI Міжнародны культурны фестываль "Кветкі Расіі" арганізуе ў Мінску Міністэрства культуры Расійскай Федэрацыі з 27 красавіка па 7 мая, паведамілі БЕЛТА ў Міністэрстве культуры Беларусі.

У праграме фестывалю гала-канцэрт класічнай музыкі ў выкананні юных талентаў Расіі, спектакль Екацярынбургскага тэатра юнага гледача, круглы стол, выстаўкі лялек-марыянетак і дзіцячага малюнка, майстар-класы па акцёрскім майстэрстве і класічным танцы.

Першым мерапрыемствам фестывалю 27 красавіка стане круглы стол па сацыяльна-культурным выхаванні дзяцей з удзелам вядучых спецыялістаў у сферы культурнай адукацыі Беларусі і прадстаўнікоў буйных школ мастацтваў Масквы і Пецярбурга. А вечарам у Беларускім рэспубліканскім тэатры юнага гледача пройдзе афіцыйнае адкрыццё фестывалю - гала-канцэрт класічнай музыкі "Рускі сувенір". Юныя музыканты - лаўрэаты і дыпламанты ўсерасійскіх і міжнародных конкурсаў - выканаюць творы на фартэпіяна, баяне, скрыпцы, флейце і г.д. У канцэрце прагучыць руская і замежная класіка, у тым ліку класічныя творы Ферэнца Ліста, Джорджа Гершвіна, Габрыэля Урбэна Фарэ, Мікалая Рымскага-Корсакава, Антоніа Вівальдзі і інш.

Беларускі ТЮГ 28 красавіка стане пляцоўкай для прадстаўлення Екацярынбургскага тэатра юнага гледача. Госці пакажуць спектакль "Каштанка". Гэта гісторыя сабакі (помесі таксы і дварняка), які трапіў са старонак апавядання Антона Чэхава на тэатральную сцэну, але апынуўся не ў тэатры, а ў цырку і ў вельмі цікавай кампаніі. Спектакль - лаўрэат Нацыянальнай тэатральнай прэміі "Залатая маска", удзельнік тэатральных фестываляў у Расіі, Эстоніі, Польшчы, Германіі, Сербіі, Аўстрыі, Харватыі, Італіі, Вялікабрытаніі, Румыніі.

Майстар-клас па класічным танцы 29 красавіка дасць Уладзімір Шкляраў - прэм'ер Дзяржаўнага акадэмічнага Марыінскага тэатра, лаўрэат прэстыжных міжнародных конкурсаў і прэмій, уладальнік стыпендыі Zegna - Mariinsky New Talent Awards. Яшчэ адзін майстар-клас па акцёрскім майстэрстве запланаваны з акцёрам тэатра і кіно, лаўрэатам Царскасельскай мастацкай прэміі, Расійскай нацыянальнай тэатральнай прэміі "Залатая маска" і Вышэйшай тэатральнай прэміі Санкт-Пецярбурга "Залаты сафіт", педагогам Санкт-Пецярбургскай акадэміі тэатральнага мастацтва і інстытута "Школа рускай драмы" імя Ігара Гарбачова - Андрэем Шымко.

Акрамя таго, з 27 па 29 красавіка ў Тэатры юнага гледача будзе працаваць інтэрактыўная выстаўка лялек-марыянетак "Чароўны свет марыянетак" Санкт-Пецярбургскага дзяржаўнага тэатра марыянетак імя Я.С. Дземяні. Гледачы ўбачаць калекцыю аўтарскіх тэатральных лялек - своеасаблівыя "залатыя кладоўкі", якіх у Санкт-Пецярбургу называюць вялікай трупай маленькага тэатра. Наведвальнікі выстаўкі змогуць сустрэцца з прафесійнымі артыстамі-лялькаводамі.

З 27 красавіка па 7 мая разгорнецца выстаўка дзіцячага малюнка "Расія вачыма дзіцяці". Лепшыя работы навучэнцаў мастацкіх школ з розных рэгіёнаў Расійскай Федэрацыі адабраны вопытнымі мастацтвазнаўцамі. Малюнкі, выкананыя ў розных стылях, жанрах і тэхніках, аб'ядналі "разважанні" аб радзіме: пейзажы родных мясцін, дамашнія нацюрморты, ілюстрацыі любімых кніг і шмат іншага. Экспазіцыя таксама будзе працаваць у Беларускім ТЮГу.

Праграма фестывалю пабудавана ў адпаведнасці з асноўным прынцыпам Дэкларацыі ААН аб міжнародным супрацоўніцтве "Распаўсюджванне ведаў, садзейнічанне развіццю здольнасцей і ўзбагачэнне розных культур". Увага праекта сфакусіравана на адораных дзецях у галіне музычнага, выяўленчага мастацтва і на сферы творчага і эстэтычнага выхавання дзяцей у Расіі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску