У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

6 Крс 2016

Кіраўнік Міжнароднай асацыяцыі лёгкаатлетычных федэрацый Себасцьян Коэ ўпершыню наведае Мінск

6 красавіка, Мінск /Кар. БЕЛТА/. Кіраўнікі міжнародных і нацыянальных лёгкаатлетычных федэрацый наведаюць Мінск 8-10 красавіка. Яны прымуць удзел у канферэнцыі, прысвечанай актуальным пытанням развіцця лёгкай атлетыкі, паведамляе карэспандэнт БЕЛТА.

У беларускую сталіцу ўпершыню прыедуць прэзідэнт Міжнароднай асацыяцыі лёгкаатлетычных федэрацый лорд Себасцьян Коэ і кіраўнік Еўрапейскай асацыяцыі Свейн Арнэ Хансэн, а таксама кіраўнікі нацыянальных лёгкаатлетычных федэрацый. У час работы канферэнцыі, якая пройдзе ў Нацыянальным алімпійскім камітэце, удзельнікі абмяркуюць найбольш актуальныя пытанні ўзаемадзеяння федэрацый па папулярызацыі сусветнай лёгкай атлетыкі. У праграме канферэнцыі таксама значацца рабочыя сустрэчы для тых супрацоўнікаў, хто толькі нядаўна апынуўся ў ліку кіруючага корпуса. Яны змогуць абмяняцца вопытам і атрымаць адказы ад вядучых спецыялістаў еўрапейскай лёгкай атлетыкі.

Як расказаў карэспандэнту БЕЛТА старшыня Беларускай федэрацыі лёгкай атлетыкі Вадзім Дзевятоўскі, такія сустрэчы кіраўнікоў еўрапейскіх нацыянальных федэрацый праводзяцца раз у два гады. "Тое, што Мінск атрымаў права правесці такі форум, з'яўляецца нашай маленькай перамогай з папулярызацыяй беларускай лёгкай атлетыкі на міжнароднай арэне", - сказаў ён. Кіраўнік БФЛА таксама адзначыў, што чакаецца прыезд больш як 100 спецыялістаў. Акрамя непасрэдна работы на канферэнцыі для гасцей падрыхтавана культурная праграма.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску