Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

11 Feb 2020

Колькасць бязвізавых турыстаў, якія прыехалі ў Брэсцкую вобласць, у студзені павялічылася на 70 працэнтаў

Колькасць бязвізавых турыстаў, якія прыехалі ў Брэсцкую вобласць, у студзені павялічылася на 70 працэнтаў
Фота з архiва

11 лютага, Брэст /Кар. БЕЛТА/. Колькасць бязвізавых турыстаў, якія прыехалі ў Беларусь праз пагранпераходы ў Брэсцкай вобласці, у студзені бягучага года павялічылася на 70 працэнтаў у параўнанні з аналагічным перыядам 2019-га, паведамілі карэспандэнту БЕЛТА ва ўпраўленні спорту і турызму Брэсцкага аблвыканкама.

Без візы паўднёва-заходні рэгіён у мінулым годзе наведалі амаль 32 тыс. іншаземцаў. У студзені 2020-га такой магчымасцю скарысталіся каля 2,2 тыс. чалавек, гэта жыхары 29 краін свету. З агульнай колькасці бязвізавых турыстаў - 80 працэнтаў з'яўляюцца грамадзянамі Польшчы. У Брэсцкую вобласць усё часцей прыязджаюць прадстаўнікі Літвы, Латвіі, Германіі, Італіі, Іспаніі, Чэхіі, Вялікабрытаніі, Бельгіі.

У студзені рэгіён пераважна наведвалі індывідуальныя падарожнікі. Толькі трэць з іх прыехала ў складзе групы. "Захоўваецца тэндэнцыя росту турыстычнага патоку. Разлічваем, што ён будзе павялічвацца ў палескім напрамку. Таксама працуем над інтэграцыяй турыстычных прадуктаў Брэсцкай і Гродзенскай абласцей, аб'яднаннем іх маршрутаў з еўрапейскімі", - сказалі ва ўпраўленні спорту і турызму.

Субяседнікі звярнулі ўвагу на павелічэнне працягласці знаходжання турыстаў у Брэсцкай вобласці. Раней у сярэднім яна складала тры дні, цяпер - чатыры. У рэгіёне з начлегам спыняюцца 70 працэнтаў замежных гасцей.

У каляндар турыстычных мерапрыемстваў Брэсцкай вобласці ў 2020 годзе ўключана больш за 100 падзей рознага маштабу. У прыватнасці, у нацыянальным парку "Белавежская пушча" 22 лютага правядуць гастранамічны фестываль. Аналагічны хочуць правесці ў Брэсце вясной. У рэгіёне намечана арганізаваць не менш за чатыры велафестывалі. Адным з ключавых мерапрыемстваў стане міжнародны турыстычны форум, які адбудзецца ў Брэсце ў канцы красавіка.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі