У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

4 Кст 2018

Кніга пра Трасцянец выйшла на беларускай, рускай і англійскай мовах

Кніга пра Трасцянец выйшла на беларускай, рускай і англійскай мовах
Фота выдавецтва Беларуская энцыклапедыя ім. П.Броўкі

4 кастрычніка, Мінск /Кар. БЕЛТА/. Кніга пра Трасцянец, месца самага масавага знішчэння людзей на тэрыторыі Беларусі і ўсяго былога Савецкага Саюза ў гады фашысцкай акупацыі, убачыла свет у выдавецтве "Беларуская энцыклапедыя" на беларускай, рускай і англійскай мовах, паведаміў карэспандэнту БЕЛТА дырэктар выдавецтва Уладзімір Андрыевіч.

Выданне заснавана на жахлівых фактах, яно паказвае страшную праўду, што прымушае адчуць боль і трагедыю некалькіх соцень тысяч людзей, якія сталі ахвярамі нацысцкай акупацыі. Кніга прысвечана трагічным падзеям, што адбываліся ў 1941-1944 гадах каля былой вёскі Малы Трасцянец Мінскага раёна. Тут існавала буйнейшая на акупіраванай нямецка-фашысцкімі захопнікамі тэрыторыі СССР нацысцкая "фабрыка смерці".

У кнізе сабраны гістарычныя звесткі пра вёскі Малы і Вялікі Трасцянец і іх наваколле, пачынаючы з канца XVI стагоддзя, змешчаны падрабязны расказ пра трагедыю масавага знішчэння нацыстамі ні ў чым не вінаватых людзей, гісторыя ўвекавечання іх памяці. Выданне адрасавана шырокаму колу беларускіх і замежных чытачоў, перш за ўсё моладзі.

"Трасцянец. Трагедыя народаў Еўропы" - працяг нашай работы па выданні кніг, праз якія будуць паказаны жахі Вялікай Айчыннай вайны і памяць, якая жыве ў сэрцах беларускага народа. Адкрыла серыю ў пачатку года выданне "Хатынь. Трагедыя беларускага народа", - расказаў дырэктар выдавецтва.

Трасцянец - адно з 8 буйнейшых у Еўропе месцаў масавага знішчэння людзей. Ахвярамі сталі 206,5 тыс. мірных жыхароў Беларусі, Расіі, Германіі, Аўстрыі, Чэхіі, іншых краін, а таксама ваеннапалонных. Помнікам ім стаў велічны мемарыяльны комплекс "Трасцянец", дзве чаргі якога былі ўрачыста адкрыты ў 2015 і 2018 гадах.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску