Падзеі, факты, анонсы

Карціну Шагала "Над горадам" убачаць госці "Славянскага базару ў Віцебску"

Фота з архіва ТАСС

6 ліпеня, Віцебск /Кар. БЕЛТА/. Вядомая карціна Марка Шагала "Над горадам" будзе экспанавацца ў Мастацкім музеі Віцебска ў дні "Славянскага базару". Аб гэтым БЕЛТА паведамілі ў Міністэрстве культуры.

Палатно прыедзе ў фестывальную сталіцу з Траццякоўскай галерэі. Для экспанавання карціны ў Мастацкім музеі падрыхтавана асобная зала. Насупраць будзе выстаўлена работа Юрыя Пэна - настаўніка Шагала. "Таксама экспазіцыю дапоўняць аўтапартрэт маэстра і партрэт яго таленавітага выхаванца, якія таксама напісаў Пэн. Гэтыя карціны прадаставяць з фондаў Нацыянальнага мастацкага музея", - расказалі ў Віцебскім абласным краязнаўчым музеі.

Убачыць гэты творчы "дуэт" можна будзе 16 ліпеня - у дзень адкрыцця XXXV Міжнароднага фестывалю мастацтваў "Славянскі базар у Віцебску". Карціна Шагала прабудзе ў абласным цэнтры на працягу двух месяцаў.

версія для друку

зрабіць стартавай

дабавіць у выбранае