Падзеі, факты, анонсы

Канаісткі Трушкіна і Нядзелькіна сталі двухразовымі чэмпіёнкамі свету на 200-метроўцы

Юлія Трушкіна. Фота з архіва Мінспорту

29 жніўня, Мінск /Кар. БЕЛТА/. Беларускі Юлія Трушкіна і Іна Нядзелькіна заваявалі золата на чэмпіянаце свету па веславанні на байдарках і каноэ ў Познані, паведамляе карэспандэнт БЕЛТА.

У фінальным заездзе на дыстанцыі 200 м у жаночай каноэ-двойцы беларускам процістаялі дуэты з Канады, Казахстана, Узбекістана, Іспаніі, Украіны, Кітая, Венгрыі і Расіі. Нашы дзяўчаты занялі першае месца з рэзультатам 42,26 сек. Юлія і Іна на 0,26 сек. апярэдзілі ўзбекскіх спартсменак і на 0,39 сек. - кітаянак.

У 2024 годзе Трушкіна і Нядзелькіна таксама былі чэмпіёнкамі свету ў спрынце каноэ-двоек, а год таму ўзялі серабро планетарнага форуму. Іна ўжо другі раз паднялася на п'едэстал ЧС-2026, на дзень раней наша канаістка ў пары з Ангелінай Барданоўскай стала трэцяй на 500-метроўцы.

Раней 29 жніўня за крок ад подыума на дыстанцыі 1000 м у байдарцы-адзіночцы спыніўся наш Уладзіслаў Кравец. Дзеючы чэмпіён Еўропы ў гэтым відзе праграмы ўступіў бронзаваму прызёру дзве дзясятыя секунды.

Таксама чацвёртым у фінале на 500 м сёння фінішаваў беларускі экіпаж у каноэ-чацвёрцы (Ілья Верашчака, Іван Патапенка, Уладзіслаў Палешка, Даніла Верашчака). Ад бронзы нашых весляроў аддзялілі ўсяго 0,16 сек.

версія для друку

зрабіць стартавай

дабавіць у выбранае