Падзеі, факты, анонсы

Каментарый начальніка ўпраўлення інфармацыі - прэс-сакратара МЗС Андрэя Савіных у сувязі з заявай Прэзідэнта ЗША Барака Абамы

Заява Прэзідэнта ЗША Барака Абамы па Беларусі ад 27 мая 2011 года з'яўляецца неправамернай і не заснавана на рэальных фактах падзей.

Каторы раз амерыканскі бок заяўляе аб узмацненні санкцый - пры тым, што ЗША з уласнага вопыту адносін з шэрагам краін павінны добра ведаць, што палітыка санкцый не дзейнічае.

Як можна задумваць увядзенне санкцый супраць дзяржаўных прадпрыемстваў - на іх жа працуе значная частка насельніцтва Беларусі, яны ў значнай ступені фарміруюць бюджэт краіны - гэта значыць ахову здароўя, сацыяльнае забеспячэнне, пенсіі, адукацыю. Тады супраць каго накіраваны гэтыя санкцыі? Гэта простае супастаўленне паказвае крывадушнасць сцвярджэнняў аб "падтрымцы беларускага народа".

Мы перакананы ў важнасці ўзаемадзеяння Беларусі з ЗША. Злучаныя Штаты павінны знайсці ў сабе сілы адмовіцца ад памылковых стэрэатыпаў і ўстарэлых падыходаў.

Даўно пара пачаць выбудоўваць канструктыўнае супрацоўніцтва ў сапраўдных інтарэсах нашых народаў. Мы заўсёды былі да гэтага гатовы і гатовы цяпер.

версія для друку

зрабіць стартавай

дабавіць у выбранае