У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

11 Стд 2014

Каўчэг з Дарамі вешчуноў будзе знаходзіцца ў Мінску з 17 па 24 студзеня

11 студзеня, Мінск /Кар. БЕЛТА/. Хрысціянская святыня – Каўчэг з Дарамі вешчуноў – будзе знаходзіцца ў Мінску з 17 па 24 студзеня, паведамілі БЕЛТА ў Беларускім Экзархаце.

Адпаведнае рашэнне Сінод БПЦ прыняў яшчэ ў лістападзе 2013 года. Мітрапаліт Філарэт агучыў тады епіскапату інфармацыю з пісьма Кіраўніка спраў Маскоўскай Патрыярхіі мітрапаліта Саранскага і Мардоўскага Варсанофія. У пісьме гаварылася, што па благаславенню Патрыярха Маскоўскага і ўсяе Русі Кірыла з 6 па 30 студзеня 2014 года ў межы РПЦ з манастыра святога Паўла на святой Гары Афон будзе дастаўлены каўчэг з Дарамі вешчуноў.

"Гэта святыня ўпершыню прыносіцца ў межы РПЦ", - адзначаецца ў журналах пасяджэнняў Сінода БПЦ.

Беларускія епіскапы назначылі протаіерэя Фёдара Поўнага, настаяцеля прыхода храма-помніка ў гонар Усіх Святых (Мінск), адказным за прынясенне каўчэга з Дарамі вешчуноў у межы Беларускага Экзархата. "Месцам знаходжання святыні вызначыць храм у гонар святога Іова Шматпакутнага Дома Міласэрнасці горада Мінска", - гаворыцца ў рашэнні Сінода.

Раней, у ноч з 6 на 7 студзеня 2014 года, у кафедральным саборным Храме Хрыста Збавіцеля ў Маскве Патрыярх Маскоўскі і ўсяе Русі Кірыл узначаліў як саму калядную службу, так і сустрэчу святыні. "Да Яго (Хрыста. - Заўвага БЕЛТА), нованароджанага, прыйшлі з дарамі вешчуны і ўдзячныя небу, удзячныя невядомаму для іх Богу паднеслі немаўляці золата, ладан і смірну: золата - як цару, ладан - як Богу, смірну - як чалавеку", - сказаў у сваёй пропаведзі прадстаяцель РПЦ.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс