У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

21 Лют 2019

Юныя віцебскія мастакі заваявалі ўзнагароды на конкурсе ў Санкт-Пецярбургу

Юныя віцебскія мастакі заваявалі ўзнагароды на конкурсе ў Санкт-Пецярбургу
Фота дзіцячай мастацкай школы Віцебска

21 лютага, Віцебск /Вольга Багачова - БЕЛТА/. Юныя віцебскія мастакі заваявалі ўзнагароды VI Усерасійскага вочнага юнацкага конкурсу выяўленчага мастацтва з міжнародным удзелам "Медны коннік-2019" у Санкт-Пецярбургу, паведамілі карэспандэнту БЕЛТА ў дзіцячай мастацкай школе Віцебска.

За званне лепшых змагаліся прадстаўнікі амаль двух дзясяткаў гарадоў з усёй Расіі. Ад кожнай школы запрашалася па 4 удзельнікі. Дзіцячая мастацкая школа Віцебска стала адзінай замежнай установай адукацыі, запрошанай арганізатарамі на конкурс. Спаборніцтва праводзілася ў дзвюх узроставых катэгорыях - 12-14 гадоў і 15-17 гадоў. Канкурсанты выконвалі розныя заданні: малявалі творчы аўтапартрэт, дэкаратыўныя і графічныя кампазіцыі, рабілі злепкі з рымскіх і грэчаскіх статуй у Эрмітажы.

Юныя віцебскія мастакі ўдзельнічалі ў гэтым конкурсе другі раз, дастойна прадстаўляючы навучальную ўстанову і падтрымліваючы статус Віцебска як горада мастакоў. На рахунку дзяцей - тры ўзнагароды. У малодшай групе ў "Графічнай кампазіцыі" першае месца заняла Ліза Несцярэнка, у "Аўтапартрэце" трэцім стаў Міхаіл Літвін. У старэйшай групе Гран-пры па суме ўсіх балаў заваявала Ганна Аляхновіч.

Арганізатары конкурсу - федэральная адукацыйная праграма "Юны мастак" (ТАА "Праграма "Юны мастак") і Навукова-даследчы музей Расійскай акадэміі мастацтваў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс