Падзеі, факты, анонсы

ЮНІСЕФ у Беларусі і БАТЭ стануць партнёрамі па развіцці інклюзіі праз спорт

Фота з архiва

14 ліпеня, Мінск /Кар. БЕЛТА/. Дзіцячы фонд ААН і футбольны клуб БАТЭ 17 ліпеня падпішуць на "Барысаў-Арэне" мемарандум аб супрацоўніцтве ў сферы спорту ў імя развіцця, разлічаны на адзін год, паведамілі БЕЛТА ў ЮНІСЕФ у Беларусі.

"Мемарандум замацуе намаганні арганізацый у сферы правоў дзіцяці ў Беларусі, будзе садзейнічаць развіццю інклюзіі, сацыялізацыі і рэсацыялізацыі найбольш слабаабароненых груп дзяцей і моладзі праз спорт", - адзначылі ў прадстаўніцтве фонду.

У ЮНІСЕФ дадалі, што работа ў сферы спорту ў імя развіцця для ЮНІСЕФ у Беларусі - новы напрамак. Ён выдзеліўся ў асобную праграмную дзейнасць напярэдадні правядзення ў краіне II Еўрапейскіх гульняў.

Цяпер арганізацыя рэалізуе шэраг сумесных праектаў з іншымі спартыўнымі арганізацыямі. У ліку мерапрыемстваў - дзіцячыя забегі ў рамках Мінскага паўмарафону, сямейны футбольны фестываль "Мама, тата, я - футбольная сям'я", футбольны турнір "Разам да перамогі" для рэсацыялізацыі падлеткаў у канфлікце з законам і іншыя.

версія для друку

зрабіць стартавай

дабавіць у выбранае