Падзеі, факты, анонсы

IIHF папярэдне ўключыла зборную Беларусі па хакеі ў адбор на Алімпіяду-2026

Фота з архiва

31 кастрычніка, Мінск /Кар. БЕЛТА/. Міжнародная федэрацыя хакея папярэдне ўключыла нацыянальную зборную Беларусі ў склад удзельнікаў кваліфікацыі на Алімпійскія гульні 2026 года, паведамляе БЕЛТА са спасылкай на прэс-службу IIHF.

У выпадку вяртання на міжнародныя спаборніцтвы зборная Беларусі прыме ўдзел у фінальным этапе адборачнага турніру на Гульні-2026, які пройдзе з 29 жніўня па 1 верасня 2024 года. Сапернікамі нашых хакеістаў у такім выпадку стануць каманды Славакіі і Казахстана, а таксама зборная, якая пройдзе трэці этап кваліфікацыі. Адзначаецца, што беларуская каманда мае тэарэтычнае месца пасеву, канчатковае рашэнне аб удзеле нашай зборнай на Алімпіяду-2026 будзе прынята ў красавіку наступнага года.

Зімовыя Алімпійскія гульні пройдуць у Мілане і Карціна-д'Ампеца ў лютым 2026 года.

версія для друку

зрабіць стартавай

дабавіць у выбранае