У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

22 Кст 2015

Гістарычную пячатку Лаўрышаўскага манастыра ўпершыню прадставяць публіцы 1 лістапада

22 кастрычніка, Гродна /Таццяна Вішнеўская - БЕЛТА/. Лаўрышаўскі манастыр 1 лістапада ўпершыню пакажа шырокай публіцы каменную сярэдневяковую пячатку, паведамілі карэспандэнту БЕЛТА ў манастыры.

Прэзентацыя сярэдневяковай каменнай пячаткі-матрыцы, якая была знойдзена ў ліпені 2015 года пры археалагічных раскопках на тэрыторыі старога манастырскага паселішча, адбудзецца ў двары Свята-Елісееўскага Лаўрышаўскага мужчынскага манастыра (Навагрудскі раён Гродзенскай вобласці). Арганізатары, нягледзячы на асаблівую каштоўнасць знаходкі, абяцаюць гасцям прадаставіць магчымасць патрымаць пячатку ў руках і ўважліва разгледзець яе.

Знойдзеная пячатка стала адной з гучных археалагічных адкрыццяў гэтага года. Яна выраблена са сланцавага каменю, па форме нагадвае брусок, на адной з граняў якога выразаны двухрадковы надпіс. Гэта адна з найбольш ранніх пячатак, адносіцца да часу ВКЛ (ХІІІ-ХІV ст.). Асабліва цікавая яна для даследчыкаў тым, што гэта матрыца, а не адбітак, якія знаходзяць часцей.

Раскопкі на тэрыторыі паселішча Лаўрышаўскага манастыра праводзіла маладзёжная валанцёрская экспедыцыя пад навуковым кіраўніцтвам доктара гістарычных навук, прафесара гісторыі Сяргея Рассадзіна. Паводле адной з версій, надпіс на пячатцы сумяшчае старажытнагрэчаскую і старажытнарускую мовы і чытаецца як "Святая пустэльня". Археалагічныя даследаванні вяліся пры падтрымцы манастыра.

Раней паведамлялася, што пячатка-матрыца будзе выстаўлена не толькі ў манастыры, але і ў Навагрудку, а таксама ў Нацыянальным гістарычным музеі Беларусі.

Лаўрышаўскі манастыр - адзін з найстарэйшых у Беларусі, ён быў заснаваны каля 1260 года святым прападобным ігуменам Елісеем і манахам Лаўрэнціем, які да манаства быў вядомы як Войшалк Міндоўгавіч, вялікі князь ВКЛ (1264-1267). У ХІІІ-ХІV стагоддзях манастыр быў летапісным цэнтрам, у 1329 годзе тут было напісана Лаўрышаўскае Евангелле, рукапісны помнік беларускай кніжнай справы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс