Падзеі, факты, анонсы
Гран-пры "Залатой Літары" ў 2015 годзе ўручаць за творчыя праекты да 70-годдзя Перамогі
10 красавіка, Мінск /Кар. БЕЛТА/. Гран-пры XI Нацыянальнага конкурсу друкаваных сродкаў масавай інфармацыі "Залатая Літара" ўручаць творчым праектам, прысвечаным 70-годдзю Перамогі. Аб гэтым БЕЛТА паведамілі ў Міністэрстве інфармацыі Беларусі.
Журы выбера пераможцаў па дзвюх намінацыях Гран-пры: "Лепшы творчы праект года раённых, гарадскіх, шматтыражных друкаваных СМІ" і "Лепшы творчы праект года рэспубліканскіх, абласных друкаваных СМІ, інфармацыйных агенцтваў". Таксама прадугледжаны 22 іншыя намінацыі, у тым ліку "Лепшы рэпарцёр рэспубліканскіх, абласных друкаваных СМІ, інфармацыйных агенцтваў", "Лепшы рэпарцёр раённых, гарадскіх, шматтыражных друкаваных СМІ", "Лепшы аглядальнік", "Лепшая аўтарская калонка, блог друкаваных СМІ, інфармацыйных агенцтваў" .
Вынікі конкурсу будуць падведзены не пазней за 25 красавіка. Фіналістаў ўзнагародзяць дыпломамі і памятнымі знакамі - сімваламі конкурсу "Залатая Літара".
Прыняць удзел у творчым спаборніцтве могуць друкаваныя сродкі масавай інфармацыі, інфармацыйныя агенцтвы, зарэгістраваныя ў Беларусі, прэс-службы органаў дзяржаўнага кіравання і арганізацый, а таксама некаторыя асобы (па прадстаўленні друкаванага СМІ, інфармацыйнага агенцтва, дзяржоргана або арганізацыі). Заяўкі прымаюцца да 15 красавіка.
версія для друку
зрабіць стартавай
дабавіць у выбранае