6 сакавіка, Мінск /Кар. БЕЛТА/. Гонкамі з масавым стартам у хлопцаў і дзяўчат завершыцца сёння фінальны этап Кубка IBU па біятлоне ў "Раўбічах", паведамляе карэспандэнт БЕЛТА.
Гонка на 12 км у дзяўчат пачнецца ў 11.00. Сярод беларускіх спартсменак выступіць Адэліна Сабітава.
Прадоўжацца спаборніцтвы мас-стартам на 15 км у мужчын у 13.30. За ўзнагароды спаборніцтваў паспаборнічаюць беларусы Максім Варабей, Віктар Крыўко і Ягор Казарынаў.
У фінальным этапе Кубка IBU прымае ўдзел 151 спартсмен з 31 краіны.
Як паведамлялася, беларускі спартсмен Максім Варабей заняў другое месца ў спрынтарскай гонцы, якая прайшла 4 сакавіка.