Падзеі, факты, анонсы
Гімны Беларусі і Францыі гучалі ў выкананні ансамбля беларускіх Узброеных Сіл у Бецюне
7 верасня, Мінск /Аліна Грышкевіч - БЕЛТА/. Дзяржаўныя гімны Беларусі і Францыі гучалі ў выкананні Акадэмічнага ансамбля песні і танца беларускіх Узброеных Сіл на канцэрце ў французскім рэгіёне Нор-Па-дэ-Кале. Аб гэтым БЕЛТА паведамілі ў пасольстве нашай краіны ў Парыжы.
Выступленне ансамбля прайшло ў Бецюне рэгіёна Нор-Па-дэ-Кале (Францыя) з нагоды 71-й гадавіны вызвалення горада ад фашысцкіх захопнікаў. У Бецюне адбылася сустрэча Надзвычайнага і Паўнамоцнага Пасла Беларусі ў Францыі Паўла Латушкі з мэрам горада Аліўе Гакерам, у якой таксама прынялі ўдзел намеснікі мэра і члены муніцыпалітэта. У ходзе сустрэчы мэр горада выказаў зацікаўленасць у развіцці супрацоўніцтва з Беларуссю ў эканамічнай, культурнай, адукацыйнай сферах, адзначыў намер наведаць Віцебск з мэтай устанаўлення супрацоўніцтва ў тым ліку з адной са школ, дзе вывучаецца французская мова. Аліўе Гакер асабліва падкрэсліў, што дзякуючы старшыні таварыства дружбы "Францыя-Беларусь" у рэгіёне Нор-Па-дэ-Кале Бернару Сё на працягу 21 года развіваецца культурнае супрацоўніцтва паміж горадам Бецюн і Беларуссю.
У муніцыпальным тэатры горада адбылося выступленне Акадэмічнага ансамбля песні і танца Узброеных Сіл Рэспублікі Беларусь перад жыхарамі. Ансамбль прадставіў спецыяльна падрыхтаваную праграму беларускіх музычных твораў, а таксама ваенна-патрыятычных песень, прысвечаных 70-годдзю Вялікай Перамогі. На канцэрце прысутнічала амаль тысяча французскіх гледачоў.
версія для друку
зрабіць стартавай
дабавіць у выбранае