Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

27 Sep 2016

Ігар Бокій прадоўжыць спаборнічаць з плыўцамі асноўнай нацыянальнай зборнай Беларусі

27 верасня, Мінск /Кар. БЕЛТА/. Шасціразовы паралімпійскі чэмпіён па плаванні ў Рыа Ігар Бокій прадоўжыць спаборнічаць з плыўцамі асноўнай нацыянальнай зборнай Беларусі па гэтым відзе спорту. Аб гэтым ён расказаў у прэс-цэнтры БЕЛТА ў ходзе сустрэчы з журналістамі.

Раней Ігар Бокій ужо ўдзельнічаў у чэмпіянаце і Кубку Беларусі і паказваў на гэтых турнірах нядрэнныя рэзультаты. "Прадоўжу выступаць ва ўнутраных спаборніцтвах сярод здаровых спартсменаў. Паколькі неабходна праводзіць як мага больш стартаў з моцнымі сапернікамі, каб быць у тонусе, выконваць трэніровачныя аб'ёмы, якія дапамогуць удала выступіць на паралімпійскіх стартах. Што датычыцца турніраў міжнароднага ўзроўню сярод здаровых плыўцоў, пакуль аб гэтым з трэнерам не думаем. Цяпер я паказваю для сябе добрыя рэзультаты, але, каб выйсці яшчэ на больш высокі ўзровень, неабходна павялічваць нагрузкі. Калі мой час заплыву дасць магчымасць выступіць хаця б у паўфінале чэмпіянату Еўропы або свету, то паспрабуем выступіць, калі гэта не будзе накладацца на асноўныя мае паралімпійскія старты", - заявіў Ігар Бокій.

У бліжэйшых планах беларускага плыўца невялікі адпачынак, пасля чаго ён зноў пачне трэніроўкі і прадоўжыць выступленне ў басейне.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі