Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

29 Jan 2020

Французская кампанія плануе зняць фільм пра дзікую прыроду Беларусі

Французская кампанія плануе зняць фільм пра дзікую прыроду Беларусі
Фота Міністэрства лясной гаспадаркі

29 студзеня, Мінск /Юлія Неманкова - БЕЛТА/. Французская кампанія Nomades разам з Універсітэтам Латарынгіі плануе зняць дакументальны фільм аб дзікай прыродзе Беларусі, паведамілі БЕЛТА ў прэс-службе Міністэрства лясной гаспадаркі.

Пад прыцэлам камер апынуцца прыродаахоўныя комплексы і іх жыхары: ваўкі, рысі і мядзведзі. Мэта фільма - паказаць умовы суседства людзей з драпежнікамі. "Французы ў асноўным з бояззю ставяцца да гэтых драпежнікаў. Яны ўпэўнены, што іх суіснаванне з людзьмі практычна немагчыма. На прыкладзе Беларусі мы хочам паказаць, што гэта не зусім так і драпежнікі не аказваюць істотнага негатыўнага ўплыву на чалавека", - расказаў у час сустрэчы з кіраўніцтвам Мінлясгаса адзін з аўтараў праекта Ален Крэцьен.

Дакументальны фільм плануюць паказаць па дзяржаўным тэлебачанні Францыі.

У выпадку згоды беларускага боку здымкі плануюць правесці на тэрыторыі заказніка "Налібоцкі" і Бярэзінскага біясфернага запаведніка. Паводле слоў прадстаўніка кампаніі Nomades, гэтыя тэрыторыі адрозніваюцца ад прыродаахоўных комплексаў Францыі. "Безумоўна, у нас ёсць прыродныя тэрыторыі, якія знаходзяцца пад асаблівай аховай, - вельмі прыгожыя лясы. Але там няма драпежнікаў. А ў Беларусі ёсць адразу ўсё. Менавіта таму мы хацелі б зняць фільм у вас", - растлумачыў Ален Крэцьен.

Першы намеснік міністра лясной гаспадаркі Валянцін Шатраўка адзначыў, што ведамства гатова аказаць неабходную падтрымку праекту. "Беларусь ганарыцца сваёй прыродай, і нам сапраўды ёсць што паказаць еўрапейцам", - дадаў ён.

У бліжэйшы час французскі бок разлічвае атрымаць неабходныя ўзгадненні, пасля чаго зможа пачаць здымкі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі