У Беларусь без візы на 30 дзён
Афіцыйны сайт Рэспублікі Беларусь
Свята Купалле
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

16 Кст 2015

Фотавыстаўка БЕЛТА "Суверэнная Беларусь: эпоха дасягненняў" прадстаўлена ў Душанбэ

16 кастрычніка, Душанбэ /Кар. БЕЛТА/. Фотавыстаўка Беларускага тэлеграфнага агенцтва "Суверэнная Беларусь: эпоха дасягненняў", што праходзіць у рамках Дзён культуры Беларусі ў Таджыкістане, прадстаўлена ў Душанбэ, перадае карэспандэнт БЕЛТА.

Экспазіцыя ўключае 26 чорна-белых і столькі ж каляровых здымкаў. Ідэя праекта такая: архіўныя чорна-белыя фатаграфіі ілюструюць, як жыла Беларусь 25-30 гадоў таму, каляровыя расказваюць пра дзень сённяшні. Супастаўляючы старыя і новыя здымкі, наведвальнікі могуць убачыць, якое развіццё атрымалі прамысловасць, сельская гаспадарка, транспартная інфраструктура, навука, медыцына, Узброеныя Сілы. Фатаграфіі апошніх гадоў адлюстроўваюць тыя сферы жыцця, дасягненнямі ў якіх рэспубліка па праву можа ганарыцца.

Перасовачная экспазіцыя - частка аднайменнага фотапраекта БЕЛТА "Суверэнная Беларусь: эпоха дасягненняў", прызначанага паказаць маштаб змен, якія адбыліся з краінай за такі кароткі гістарычны перыяд. Праект уключае таксама сайт bylostalo.belta.by, што выступае ў ролі віртуальнага аналага выстаўкі.

Дні культуры Беларусі ў Таджыкістане праходзяць з 15 па 19 кастрычніка. Сёння ў Таджыкскім дзяржаўным акадэмічным тэатры оперы і балета імя С.Айні адбудзецца іх афіцыйнае адкрыццё. Канцэртную праграму прадставяць майстры мастацтваў Беларусі. Гледачы азнаёмяцца з творчасцю заслужанага калектыву Рэспублікі Беларусь Дзяржаўнага ансамбля танца Беларусі, а 17 кастрычніка беларуская дэлегацыя выступіць з канцэртам у горадзе Турсунзадэ.

У Дні культуры Беларусі ў Таджыкістане пройдуць паказы мастацкіх фільмаў "Брэсцкая крэпасць", "Сляды апосталаў". Таксама гледачы азнаёмяцца з работамі беларускіх мультыплікатараў - у праграме заяўлена пяць анімацыйных фільмаў.

Плануецца, што 18 кастрычніка дэлегацыя Беларусі азнаёміцца з палацам "Кохі Наўруз" у Душанбэ і наведае Нацыянальны музей Таджыкістана. У гэты ж дзень адбудзецца афіцыйнае закрыццё Дзён культуры Беларусі ў Таджыкістане.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс