У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

8 Снж 2014

Форум навуковай і творчай інтэлігенцыі СНД пройдзе 16 снежня ў Маскве

8 снежня, Масква /Эдуард Півавар - БЕЛТА/. IX Форум навуковай і творчай інтэлігенцыі СНД пройдзе 16 снежня ў Маскве, паведамілі БЕЛТА ў прэс-службе Міждзяржаўнага фонду гуманітарнага супрацоўніцтва дзяржаў - удзельніц Садружнасці.

Для ўдзелу ў мерапрыемстве ў расійскую сталіцу запрошаны больш як 300 дэлегатаў з Беларусі, Арменіі, Азербайджана, Казахстана, Кыргызстана, Малдовы, Таджыкістана, Туркменістана, Узбекістана і Расіі. Тэма форуму - "Развіццё агульнай гуманітарнай прасторы СНД: перспектывы супрацоўніцтва і выклікі часу".

На пленарных пасяджэннях і ў профільных секцыях вучоныя, дзеячы мастацтва і журналісты абмяркуюць розныя аспекты прафесійнага ўзаемадзеяння. Размова пойдзе аб ролі моладзі ў захаванні культурнай спадчыны і развіцці культурна-пазнавальнага турызму, навуцы і адукацыі, міжкультурным дыялогу, ролі СМІ ва ўмацаванні міжкультурнага дыялогу на прасторы СНД. Асаблівую ўвагу дэлегаты плануюць удзяліць сумеснай падрыхтоўцы да святкавання 70-годдзя Перамогі ў Вялікай Айчыннай вайне і мерапрыемствам у час аб'яўленага ў СНД у 2015 годзе Года ветэранаў.

Адбудзецца цырымонія ўзнагароджання пераможцаў маладзёжнага конкурсу "Садружнасць дэбютаў" і прэзентацыя культурных сталіц СНД 2015 года - расійскага горада Варонеж і таджыкскага Куляб.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс