У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

5 Ліп 2019

Фільм "Хрусталь" Дар'і Жук прывёз узнагароду з кінафестывалю ў Шанхаі

Фільм
Кадр з фільма

5 ліпеня, Мінск /Кар. БЕЛТА/. Фільм "Хрусталь" Дар'і Жук на XXII міжнародным кінафестывалі ў Шанхаі стаў пераможцам у секцыі The Belt and Road Film Week, паведаміў карэспандэнту БЕЛТА прадзюсар кінакампаніі "Дэмарш-фільм" Валерый Дзмітрачэнка, які разам з акцёрам Іванам Муліным прадставіў карціну ў Кітаі.

"Шанхайскі міжнародны кінафестываль уваходзіць у тройку вядучых фестываляў. Мы перамаглі ў секцыі The Belt and Road Film Week разам з карцінай Любові Барысавай з Якуціі "Нада мною сонца не садзіцца". Фестываль збірае кінематаграфістаў з усяго свету. У журы асноўнага конкурсу быў расійскі кінарэжысёр Аляксей Герман-малодшы. Мы абмеркавалі магчымасць здымак яго наступнай карціны ў Беларусі, ёсць верагоднасць, што ў нас з'явіцца сумесны праект", - расказаў Валерый Дзмітрачэнка.

Паводле яго слоў, беларускую карціну ў Кітаі вельмі цёпла прымалі. "Тэма міграцыі, пошуку свайго месца ў жыцці заўсёды актуальная і зразумелая ўсім, прычым не толькі на постсавецкай прасторы, а таксама ў Еўропе і Азіі. Кожны ў гэтым фільме знаходзіць нешта блізкае для сябе", - адзначыў прадзюсар.

Валерый Дзмітрачэнка падкрэсліў, што апошнім часам усё большай папулярнасцю на міжнародных кінафестывалях карыстаецца кіно, створанае жанчынамі. "Мне вельмі прыемна, што нашы маладыя беларускія рэжысёры Дар'я Жук, Дар'я Юркевіч, Юлія Шатун, Улада Сянькова актыўна прадстаўляюць свае работы на міжнародных кінафестывалях, і цікавасць да іх даволі высокая", - дадаў ён.

Шанхайскі міжнародны кінафестываль - адна з буйнейшых падзей азіяцкай кінаіндустрыі, адзін з кінафестываляў у свеце, якія найбольш хутка развіваюцца. У бягучым годзе больш за 500 кінаработ з розных краін былі прадстаўлены ў 47 кінатэатрах Шанхая. Для 60 з іх фестываль стаў дэбютнай пляцоўкай.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс