Падзеі, факты, анонсы

FIS дапусціла лыжнікаў з Беларусі і Расіі да стартаў у нейтральным статусе

Фота з архіва FIS

2 верасня, Мінск /Кар. БЕЛТА/. Міжнародная федэрацыя лыжнага спорту і снаўборда (FIS) дапусціла беларускіх і расійскіх спартсменаў да спаборніцтваў пад сваёй эгідай у нейтральным статусе, паведамляе БЕЛТА са спасылкай на прэс-службу FIS.

На пасяджэнні ў швейцарскім горадзе Тун Савет FIS пастанавіў, што спартсмены і дапаможны персанал з Беларусі і Расіі могуць быць дапушчаны да спаборніцтваў FIS пры ўмове падпісання імі дэкларацыі аб нейтралітэце. Захаванне прынцыпаў нейтральнасці будзе пастаянна кантралявацца. Атлеты з абедзвюх краін змогуць выступаць толькі ў індывідуальных спаборніцтвах і без выкарыстання нацыянальнай сімволікі.

версія для друку

зрабіць стартавай

дабавіць у выбранае