Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

18 Feb 2015

Фестываль нацыянальных відаў спорту пройдзе ў СНД

18 лютага, Мінск /Настасся Ларчанка - БЕЛТА/. Фестываль нацыянальных відаў спорту пройдзе ў Садружнасці Незалежных Дзяржаў. Размова аб гэтым ішла сёння на пасяджэнні рабочай групы па развіцці нацыянальных відаў спорту дзяржаў - удзельніц Садружнасці, перадае карэспандэнт БЕЛТА.

У мінулым годзе Савет кіраўнікоў урадаў СНД зацвердзіў праграму падтрымкі і развіцця нацыянальных відаў спорту на перыяд да 2020 года і план мерапрыемстваў па яе рэалізацыі на трохгадовы перыяд. Фестываль нацыянальных відаў спорту заснаваны рашэннем Савета па фізічнай культуры і спорце. У сваю чаргу рабочая група на пасяджэнні, якое праходзіць 18-19 лютага ў Мінску, распрацоўвае і ўзгадняе праект палажэння аб гэтым мерапрыемстве.

Фестываль будзе праводзіцца для ўмацавання традыцыйных дружалюбных сувязей паміж народамі дзяржаў Садружнасці, захавання нацыянальных відаў спорту і гульняў як гістарычнай спадчыны, папулярызацыі і развіцця іх на міжнародным узроўні. Ён павінен стварыць умовы для развіцця існуючых і адраджэння страчаных нацыянальных відаў спорту, а таксама садзейнічаць іх уключэнню ў міжнародную спаборніцкую практыку.

У прыватнасці, прапрацоўваецца ідэя вызначыць агульны план мерапрыемстваў масавага характару, вылучыўшы 4-5 відаў спорту, якія будуць праводзіцца ва ўсіх краінах СНД. Дадаткова да асноўнага плана кожнай з краін будзе прадастаўлена магчымасць паказаць нацыянальныя (самабытныя) віды спорту.

Як плануецца, мерапрыемствы фестывалю будуць уключаць у сябе не толькі спаборніцтвы і гульні, а таксама арганізацыю выставак, канферэнцый і паказальных выступленняў. Акцэнт робіцца на тым, што правядзенне фестывалю будзе садзейнічаць фарміраванню здаровага ладу жыцця за кошт прыцягнення да заняткаў спортам шырокіх слаёў насельніцтва.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі