Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

13 Май 2020

Фестываль нацыянальных культур у Гродне перанесены

Фестываль нацыянальных культур у Гродне перанесены
Фота з архiва

13 мая, Мінск /Кар. БЕЛТА/. ХІІІ Рэспубліканскі фестываль нацыянальных культур у Гродне перанесены, паведаміла журналістам дырэктар Рэспубліканскага цэнтра нацыянальных культур Вольга Антоненка, перадае карэспандэнт БЕЛТА.

"2020-ы быў запланаваны фестывальным годам. У Гродне павінны былі адбыцца заключныя мерапрыемствы Рэспубліканскага фестывалю нацыянальных культур, але аргкамітэт прыняў рашэнне аб пераносе фестывалю па просьбе Гродзенскага аблвыканкама і нацыянальных культурных грамадскіх аб'яднанняў. Мы рыхтуемся да IV Фестывалю мастацтваў беларусаў свету, але адбудзецца ён ці не, залежыць ад сітуацыі ў свеце", - расказала Вольга Антоненка.

Фестываль нацыянальных культур у Гродне пройдзе ў наступным годзе, традыцыйна ў чэрвені. "Цяпер усё ідзе сваім парадкам. Рэпетыцыі творчых калектываў нацыянальных культурных грамадскіх аб'яднанняў праводзяцца і ў рэжыме анлайн, на базе цэнтра ў нешматлікай колькасці праводзяцца майстар-класы", - адзначыла дырэктар цэнтра.

Вольга Антоненка падкрэсліла, што дыяспары за мяжой праводзяць актыўную работу па папулярызацыі беларускай культуры. "Аб гэтым сведчаць і тыя матэрыялы, якія яны прысылаюць нам. Іх можна паглядзець на нашым сайце. Самае галоўнае, што папулярызацыя беларускай культуры праходзіць за мяжой. У многіх краінах свету быў аб'яўлены каранцін, але, тым не менш, у рэжыме анлайн ішлі віншаванні з 75-годдзем Перамогі ад усіх беларусаў замежжа. Ніхто не застаўся абыякавым, людзі актыўна ўключаліся ў гэты віншавальны марафон, - сказала яна. - Цэнтр займаецца вялікай падтрымкай усіх пачынанняў беларусаў замежжа. Напрыклад, у Аргенціне ёсць беларускія калектывы, якім ужо каля 80 гадоў. У красавіку бягучага года два беларускія харэографы павінны былі ляцець туды, каб праводзіць майстар-класы з 6 беларускімі калектывамі. Гэта вельмі запатрабавана і яны хочуць атрымліваць майстар-класы па беларускай харэаграфіі і вакальнай культуры. Думаю, паездка адбудзецца, калі не ў гэтым годзе, то ў наступным".
 
Што датычыцца правядзення свят нацыянальных культур, якія так падабаюцца мінчанам і гасцям горада, работа ў гэтым напрамку вядзецца. "Рашэнне па правядзенні свят нацыянальных культур прымае Мінскі гарадскі выканаўчы камітэт разам з пасольствамі і кіраўніцтвам нацыянальных дыяспар. Графік складзены, будзем глядзець", - дадала дырэктар цэнтра.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі