Падзеі, факты, анонсы
Фестываль карэйскага кіно пройдзе ў Мінску 26-28 мая
25 мая, Мінск /Кар. БЕЛТА/. Фестываль карэйскага кіно пройдзе ў мінскім кінатэатры "Піянер" 26-28 мая, паведамілі БЕЛТА ва УП "Кінавідэапракат" Мінгарвыканкама.
Мінчане ўбачаць 5 карцін. Адкрые кінафестываль сямейная меладрама "Магазінчык Чан-су" пра першае каханне, якое можа прыйсці ў любым узросце. Потым гледачам упершыню будзе прадстаўлены фільм пад назвай "Монстр", які раскажа, што скрываюць у сабе воды ракі Ханган. Крымінальная камедыя "Злодзеі" прадставіць гісторыю пра аграбленне групай злодзеяў-прафесіяналаў. Фільм "Удар" расказвае пра жыццё старшакласніка Да Ван Дык і закранае адвечную тэму бацькоў і дзяцей. Завершыць серыю драма "Прадавец лякарстваў " аб тым, на што гатовы бацька дзеля выздараўлення роднай дачкі.
Мерапрыемства арганізавана пасольствам Рэспублікі Карэя ў Беларусі і прымеркавана да 25-годдзя ўстанаўлення дыпламатычных адносін паміж дзвюма краінамі. Прадстаўленыя кінастужкі будуць суправаджацца рускімі субтытрамі за выключэннем фільма "Магазінчык Чан-су", які спецыяльна да паказу перакладзены на беларускую мову.
Час пачатку сеансаў - 18.30 (26 мая), 16.30 і 19.00 (27 і 28 мая). Уваход свабодны. Білеты можна атрымаць у фае кінатэатра c 15.00 штодзень.
версія для друку
зрабіць стартавай
дабавіць у выбранае