У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

1 Жнв 2017

Этап Кубка свету па мастацкай гімнастыцы ў Мінску збярэ грацый з 24 краін

Фіналіст Алімпійскіх гульняў - 2016 Кацярына Галкіна1 жніўня, Мінск /Аляксандр Жыбуль - БЕЛТА/. Этап Кубка свету па мастацкай гімнастыцы BSB Bank збярэ 4-6 жніўня ў Мінску грацый з 24 краін. Аб гэтым сёння паведаміла журналістам на прэс-канферэнцыі ў спартыўна-забаўляльным комплексе Falcon Club галоўны трэнер зборнай Беларусі па мастацкай гімнастыцы Ірына Ляпарская, паведамляе карэспандэнт БЕЛТА.

"Гэта будзе свята спорту. Паўдзельнічаць у спаборніцтвах прыедуць мацнейшыя спартсменкі з 24 краін. Беларусь прадставяць 8 грацый, сярод якіх фіналіст Алімпійскіх гульняў - 2016 Кацярына Галкіна і бронзавы прызёр чэмпіянату Еўропы - 2017 Аліна Гарнасько. Гэта новае пакаленне, якое рыхтуецца да Алімпіяды 2020 года ў Токіа", - расказала Ірына Ляпарская. Таксама яна дадала, што ў перыяд спаборніцтваў Беларусь плануе наведаць прэзідэнт Міжнароднай федэрацыі гімнастыкі (FIG) Марынары Ватанабэ.

Для вядучых прадстаўнікоў мастацкай гімнастыкі этап Кубка свету BSB Bank у Мінску з'яўляецца падрыхтоўкай да чэмпіянату свету ў італьянскім Пезара. У Falcon Club аналагічныя спаборніцтвы прайшлі год таму, тады беларускія спартсменкі заваявалі 7 узнагарод. Залатыя медалі беларуская каманда атрымала ў групавых практыкаваннях у мнагабор'і і ў практыкаваннях з двума абручамі і шасцю булавамі, таксама ў актыве зборнай серабро па выніках выступлення з пяццю стужкамі. Яшчэ чатыры медалі ў скарбонку каманды прынесла Меліціна Станюта, якая стала сярэбраным прызёрам у індывідуальных практыкаваннях з мячом і бронзавым у індывідуальным мнагабор'і, практыкаваннях з абручом і булавамі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс