У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

31 Ліп 2015

Экспанаты з гістарычнага музея Беларусі прадстаўлены на міжнароднай выстаўцы, прысвечанай Радзівілам, у Літве

31 ліпеня, Мінск /Кар. БЕЛТА/. Экспанаты з калекцыі Нацыянальнага гістарычнага музея Рэспублікі Беларусь прадстаўлены на міжнароднай выстаўцы "Кузэны Радзівілы (Мікалай Рыжы і Мікалай Чорны) - пачатак велічнай эпохі князёў", якая пройдзе з 31 ліпеня па 31 снежня бягучага года ў Біржайскім краязнаўчым музеі "Села" (Біржай, Літва). Аб гэтым БЕЛТА паведамілі ў Нацыянальным гістарычным музеі Беларусі.

Беларускі музей прадаставіў на гэту выстаўку чатыры музейныя прадметы XVI стагоддзя з фондавых калекцый "Зброя агнястрэльная" і "Зброя халодная": крамянёвы пісталет, палаш, меч і бярдыш.

Кедайняйскі краязнаўчы музей выступіў з ініцыятывай рэалізацыі міжнароднага праекта "Дарогамі князёў Радзівілаў" і запрасіў да культурнага супрацоўніцтва музеі Літвы, Беларусі і Польшчы, якія былі звязаны са спадчынай самага вядомага і выдатнага роду Вялікага Княства Літоўскага - князёў Радзівілаў. У 2013 годзе ў г. Кедайняй была арганізавана канферэнцыя "Дарогамі князёў Радзівілаў", падрыхтаваны маршрут для турыстаў па мясцінах, звязаных са знакамітым родам.

У 2015 годзе ў якасці прадаўжэння праекта музей "Села" ініцыіраваў міжнародную выстаўку "Кузэны Радзівілы" (Мікалай Рыжы і Мікалай Чорны) - пачатак велічнай эпохі князёў". Гэтыя два прадстаўнікі роду, вартыя павагі за свае заслугі перад дзяржавай, пачалі княжацкую эпоху Радзівілаў, атрымаўшы тытулы князёў у 1547 годзе: Мікалай Радзівіл Рыжы - Біржай-Дубінгяй, Мікалай Радзівіл Чорны - Нясвіж-Алыка. У аснове канцэпцыі выстаўкі - паказ перыяду працвітання роду ў XVI-XVII стагоддзях.

У экспазіцыі міжнароднай выстаўкі прадстаўлены артэфакты з музеяў Літвы, Беларусі і Польшчы - Біржайскага краязнаўчага музея "Села", Кедайняйскага краязнаўчага музея, Нацыянальнага музея "Палац Вялікіх Князёў Літоўскіх", Нацыянальнага гістарычнага музея Беларусі, музея "Замкавы комплекс "Мір", Музея Паўднёвага Падляшша ў Бяла-Падлясцы (Польшча) і Літоўскага мастацкага музея - Палац Радзівілаў.

Выстаўка будзе экспанавацца ў Біржайскім краязнаўчым музеі "Села" да канца верасня 2015 года, потым накіруецца ў Кедайняйскі краязнаўчы музей, а 12 лістапада перамесціцца ў Літоўскі мастацкі музей - Палац Радзівілаў. У 2016 годзе выстаўка будзе экспанавацца ў музеях Беларусі і Польшчы. Плануецца, што на базе Нацыянальнага гістарычнага музея Беларусі выстаўка пройдзе ў першай палавіне будучага года.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс