Падзеі, факты, анонсы
Дзве сярэбраныя ўзнагароды заваявалі беларускія грацыі на этапе Гран-пры ў Францыі
26 сакавіка, Мінск /Кар. БЕЛТА/. Дзве сярэбраныя ўзнагароды заваявалі беларускія грацыі на этапе Гран-пры па мастацкай гімнастыцы ў Францыі, паведамляе карэспандэнт БЕЛТА.
У камандных практыкаваннях з пяццю абручамі беларуская зборная ў складзе Ганны Гайдукевіч, Ганны Швайбы, Настассі Рыбаковай, Лаліты Мацкевіч і Дзіяны Місючэнка атрымала ад суддзяў 18,800 бала. Лепшую суму зарабілі толькі ўкраінскія гімнасткі - 19,050. На трэцяй пазіцыі размясцілася каманда Італіі - 18,650.
Паспяхова для беларусак склалася выступленне з трыма мячамі і дзвюма скакалкамі. Па выніках выступлення беларускі ўзняліся на другую прыступку п'едэстала гонару - 17,050 бала. Першае месца занялі гімнасткі з Італіі - 20,550. Бронзавыя ўзнагароды заваявала каманда Украіны - 16,900.
У 2018 годзе Гран-пры па мастацкай гімнастыцы пройдзе ў ізраільскім Халоне (16-17 мая), чэшскім Брно (11-15 кастрычніка), у іспанскай Марбельі (25-29 кастрычніка), а таксама ізраільскім Эйлаце.
Бліжэйшым буйным стартам для беларускіх грацый стане першы этап Кубка свету ў Сафіі, які пройдзе ў сталіцы Балгарыі з 30 сакавіка па 1 красавіка.
версія для друку
зрабіць стартавай
дабавіць у выбранае