19 ліпеня, Мінск /Кар. БЕЛТА/. Святочныя мерапрыемствы, прысвечаныя Дню горада Мінска, у бягучым годзе пройдуць у першыя выхадныя верасня, паведамілі карэспандэнту БЕЛТА ў прэс-службе Мінгарвыканкама.
Па традыцыі Дзень горада адзначаюць у сталіцы на другія выхадныя верасня. У бягучым годзе прынята рашэнне правесці асноўныя святочныя мерапрыемствы ў першыя вераснёўскія суботу і нядзелю.
Праграма мерапрыемстваў, а таксама асноўныя святочныя пляцоўкі будуць вядомы пазней.
У бягучым годзе Мінск адзначыць 949-годдзе з даты першага згадвання ў "Аповесці мінулых гадоў" у 1067 годзе.