Падзеі, факты, анонсы

Дзе і калі ў Мінску пройдуць богаслужэнні на праваслаўнае Раство

Фота з архiва

6 студзеня, Мінск /Кар. БЕЛТА/. Калі і ў якіх храмах Мінска пройдуць калядныя богаслужэнні, паведамілі БЕЛТА ў прэс-службе Мінгарвыканкама.

Святочныя богаслужэнні адбудуцца ў больш як 45 храмах сталіцы. У Цэнтральным раёне, у прыходзе Святадухаўскага кафедральнага сабора, вячэрняе богаслужэнне пройдзе 6 студзеня з 18.00 да 20.30. Боская літургія 7 студзеня будзе праведзена тройчы: з 00.00 да 2.30, з 7.00 да 9.30 і з 10.00 да 12.30.

У храме ў гонар Усіх Святых вячэрняе богаслужэнне 6 студзеня адбудзецца з 17.00 да 19.30. Боская літургія 7 студзеня пройдзе з 00.00 да 2.30 і з 10.00 да 12.30. У Свята-Петра-Паўлаўскім саборы вячэрняе богаслужэнне пачнецца ў 18.00 і прадоўжыцца да 20.30. Літургія 7 студзеня будзе праходзіць тройчы: з 1.00 да 3.30, з 7.00 да 9.30 і з 10.00 да 12.30.

У храмах Мінска вячэрнія службы 6 студзеня пачнуцца ў дыяпазоне 17.00-18.00. Боскія літургіі ў сам дзень Раства, 7 студзеня, пачнуцца з апоўначы. Падрабязную інфармацыю аб месцах правядзення і раскладзе богаслужэнняў на праваслаўнае Раство можна знайсці на афіцыйным сайце Мінгарвыканкама.

версія для друку

зрабіць стартавай

дабавіць у выбранае