У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

18 Крс 2016

Два прадстаўнікі зборнай Беларусі па спартыўнай гімнастыцы атрымалі пуцёўкі на летнія Гульні-2016

18 красавіка, Мінск /Кар. БЕЛТА/. Прадстаўнікі зборнай Беларусі па спартыўнай гімнастыцы Андрэй Ліхавіцкі і Кайлі Дыксан заваявалі ліцэнзіі для ўдзелу ў летняй Алімпіядзе, якая пройдзе ў Бразіліі, паведамляе карэспандэнт БЕЛТА.

Тэставыя спаборніцтвы адбыліся ў Рыа-дэ-Жанэйра. Па выніках турніру Андрэй Ліхавіцкі заняў сёмае месца ў мнагабор'і, набраўшы 87,073 бала. Таксама беларус стаў трэцім у практыкаванні на кані (15,241 бала). Паказаны рэзультат даў магчымасць яму атрымаць пуцёўку на Гульні. Другі прадстаўнік беларускай каманды Дзмітрый Баркалаў фінішаваў у мнагабор'і на 59-м месцы (79,764 бала) і не змог трапіць у канчатковы спіс 98 атлетаў, якія ў жніўні выступяць у Рыа-дэ-Жанэйра.

У спаборніцтвах сярод жанчын Кайлі Дыксан з 50,798 баламі заняла 58-ы радок падагульняючага пратакола мнагабор'я і атрымала права прадстаўляць Беларусь на XXXI летніх Гульнях. Таксама трэба адзначыць дасягненне гімнасткі Аксаны Чусавіцінай з Узбекістана, якая сёмы раз выступіць на галоўных стартах чатырохгоддзя. Упершыню Чусавіціна выступіла на Алімпіядзе ў 1992 годзе. У Барселоне ў складзе аб'яднанай каманды былых рэспублік СССР яна выйграла залаты медаль у камандным турніры.

На маючых адбыцца летніх Алімпійскіх гульнях у камандных спаборніцтвах выступіць па 12 зборных у мужчын і жанчын. Беларусы ў гэтым відзе праграмы прадстаўлены не будуць. Турнір па спартыўнай гімнастыцы ў Рыа-дэ-Жанэйра пройдзе з 6 па 15 жніўня, у ходзе спаборніцтваў будзе разыграна 14 камплектаў узнагарод.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс