Падзеі, факты, анонсы

Два медалі заваявалі беларускія грацыі на ЧЕ па мастацкай гімнастыцы

30 лістапада, Мінск /Кар. БЕЛТА/. Два медалі заваявалі беларускія грацыі на чэмпіянаце Еўропы па мастацкай гімнастыцы, які завяршыўся ў Кіеве. У мнагабор'і ў сеньёрак серабро заваявала Аліна Гарнасько. Бронза - на рахунку Настассі Салас, паведамілі БЕЛТА ў прэс-службе Беларускай асацыяцыі гімнастыкі.

Аліна Гарнасько была блізка да заваявання тытула мацнейшай грацыі кантынента, Набраўшы за выступленні ў чатырох відах праграмы 100,900 бала. Адзначым, што за практыкаванні з булавамі беларуска атрымала найбольшую суму балаў сярод усіх прэтэндэнтак на медалі турніру - 26,550.

На жаль, ізраільцянка Лінай Ашрам, якая набрала аналагічную колькасць балаў па суме мнагабор'я, апярэдзіла беларуску за кошт выканання і стала чэмпіёнкай Еўропы. Што датычыцца Настассі Салас, то яна набрала 96,500 бала, апярэдзіўшы такіх зорак сусветнай мастацкай гімнастыкі, як Барана Калейн і Катрын Тасева з Балгарыі, ізраільцянка Ніколь Зелікман і ўкраінка Улада Нікольчанка.

Нагадаем, што раней беларускія спартсменкі выйгралі тры медалі па выніках юніёрскіх спаборніцтваў. Золата заваявала Дзіна Агішава, серабро і бронза - у калекцыі Лізаветы Зоркінай.

Адзначым, што з-за каранцінных абмежаванняў у сталіцы Украіны не выступілі спартсменкі з Расіі і Італіі. На чэмпіянаце Еўропы ў Кіеве выступілі прадстаўніцы 23 нацыянальных каманд. Удзельніцы разыгралі 9 камплектаў узнагарод. Наступны еўрапейскі форум пройдзе ў Варне з 9 па 13 чэрвеня 2021 года.

версія для друку

зрабіць стартавай

дабавіць у выбранае