Падзеі, факты, анонсы

9 кастрычніка, Мінск /Кар. БЕЛТА/. Два медалі заваявалі беларускія дзюдаісты на этапе Гран-пры ў Ташкенце, паведамляе карэспандэнт БЕЛТА.

Як паведамлялася, першае месца ў вагавой катэгорыі да 66 кг заняў Дзмітрый Мінькоў. Медальную скарбонку беларускай каманды ў заключны дзень спаборніцтваў папоўніў Ягор Варапаеў, які стаў бронзавым прызёрам у катэгорыі да 90 кг. У час папярэдніх паядынкаў беларус атрымаў дзве перамогі, за выхад у фінал уступіў Дылшаду Чарыеву з Узбекістана, а ў суцяшальнай схватцы за трэцяе месца перамог іншага прадстаўніка гаспадароў турніру Достана Мейліева.

У агульнакамандным заліку беларуская каманда заняла восьмае месца. Дзюдаісты Ізраіля, на рахунку якіх тры залатыя ўзнагароды, адно серабро і адна бронза, сталі першымі. Зборная Расіі, нягледзячы на шэсць узнагарод рознай вартасці, не змагла заваяваць залаты медаль і размясцілася на 13-м месцы падагульняючага пратакола.