21 кастрычніка, Мінск /Аксана Каруна - БЕЛТА/. Дні Мінска пройдуць у Санкт-Пецярбургу 9-12 лістапада бягучага года. Аб гэтым паведаміла сёння журналістам начальнік упраўлення знешнеэканамічнай дзейнасці камітэта эканомікі Мінгарвыканкама Аляксандра Вялічка, перадае карэспандэнт БЕЛТА.
Праграмай запланаваны выстаўка-кірмаш, экспазіцыя інавацыйна-прамысловага патэнцыялу прадпрыемстваў сталіцы, а таксама бізнес-форум і кантактна-кааперацыйная біржа паміж дзелавымі коламі Мінска і Санкт-Пецярбурга.
Аляксандра Вялічка адзначыла, што Расійская Федэрацыя застаецца асноўным гандлёвым партнёрам Беларусі. Прадпрыемствы Мінска супрацоўнічаюць амаль з 70 рэгіёнамі Расіі. У бягучым годзе падпісана пагадненне аб устанаўленні пабрацімскіх сувязей паміж Мінскам і Калугай.