Падзеі, факты, анонсы

Дні культуры Беларусі праходзяць ва Узбекістане 4-5 лістапада

Фота з архiва

4 лістапада, Мінск /Кар. БЕЛТА/. Мерапрыемствы ў час правядзення Дзён культуры Рэспублікі Беларусь у Рэспубліцы Узбекістан стартавалі 4 лістапада ў Ташкенце. Аб гэтым паведамілі карэспандэнту БЕЛТА ў прэс-службе Міністэрства культуры.

Беларуская дэлегацыя на чале з міністрам культуры Русланам Чарнецкім усклала кветкі да помніка Якубу Коласу ў Ташкенце. Цырымонія ўскладання адбылася пры ўдзеле беларускай дыяспары. Прысутныя з цеплынёй успомнілі любімыя радкі з твораў вялікага беларускага класіка.

Канцэрт-адкрыццё прагучыць сёння днём на сцэне Дзяржаўнага акадэмічнага Вялікага тэатра оперы і балета імя Алішэра Наваі ў Ташкенце. Гледачоў парадуюць выступленні заслужаных калектываў Беларусі ансамбля танца, музыкі і песні "Белыя росы", фальклорнай групы "Купалінка" Белдзяржфілармоніі, вакальнай групы "Чысты голас", салістаў Вялікага тэатра Беларусі Аляксандра Гелаха, народных артыстаў Беларусі Уладзіміра Громава, Настассі Масквіной, салістаў-інструменталістаў Нацыянальнага акадэмічнага народнага аркестра імя І.Жыновіча.

Праграма Дзён культуры таксама ўключае экспанаванне перасовачнай выставы "Дакрануцца да спадчыны душой" і правядзенне майстар-класаў народных майстроў.

Традыцыйнай часткай праграмы сталі Дні беларускага кіно. Гледачам пакажуць пяць карцін: "Класная", "Культурны код", "Кіношнікі" - тры фільмы рэжысёра Кірыла Халецкага, а таксама "Час вярнуцца" Івана Паўлава і "Чорны замак" Кірыла Кузіна.

версія для друку

зрабіць стартавай

дабавіць у выбранае