У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

9 Крс 2019

Дні культуры Беларусі ў Японіі пройдуць 18-21 красавіка

Дні культуры Беларусі ў Японіі пройдуць 18-21 красавіка
Фота з архіву

9 красавіка, Мінск /Аліна Грышкевіч - БЕЛТА/. Дні культуры Беларусі ў Японіі пройдуць з 18 па 21 красавіка. Аб гэтым паведаміў намеснік начальніка ўпраўлення дзяржаўных спецыяльных культурных мерапрыемстваў Міністэрства культуры Васіль Галаван 9 красавіка на прэс-канферэнцыі, прысвечанай падрыхтоўцы мерапрыемства, перадае карэспандэнт БЕЛТА.

Васіль Галаван адзначыў, што такія акцыі закліканы папулярызаваць беларускую культуру і ўмацоўваць імідж краіны на міжнароднай арэне, таму іх правядзенню надаецца павышаная ўвага.

Заслужаная артыстка Беларусі, дэпутат Палаты прадстаўнікоў Нацыянальнага сходу Ірына Дарафеева назвала будучыя Дні культуры ў Японіі знакавай падзеяй для двухбаковых адносін. Паводле яе слоў, мерапрыемства будзе прысвечана, у прыватнасці, 75-годдзю вызвалення Беларусі ад нямецка-фашысцкіх захопнікаў. Артысты, у ліку якіх Ірына Дарафеева і група "Красуні", маюць намер азнаёміць японскую публіку з беларускім выканальніцкім мастацтвам. "Праз музыку і мастацтва мы раскажам пра нашу краіну", - адзначыла спявачка.

Дэпутат дадала, што паездка ў Японію прадугледжвае і дзелавую праграму, у тым ліку сустрэчы з кіраўніцтвам міжпарламенцкай беларуска-японскай групы дружбы, а таксама шэрага міністэрстваў, прэфектур і гарадоў. Намечана сустрэча ў пасольстве Расіі, прымеркаваная да юбілею ўтварэння Саюзнай дзяржавы, на якую запрошаны палітыкі, бізнесмены, а таксама беларускія дыпламаты і прадстаўнікі дыяспары.

Дні культуры Беларусі ў Японіі рыхтуюцца Міністэрствам культуры і беларускім пасольствам у Токіа.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс