У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

18 Май 2015

Дні беларускай культуры адкрыліся ў Даўгаўпілсе

18 мая, Мінск /Аліна Грышкевіч - БЕЛТА/. Дні беларускай культуры адкрыліся ў Даўгаўпілсе (Латвія), паведамілі БЕЛТА ў прэс-службе МЗС.

Дні беларускай культуры, арганізаваныя Цэнтрам беларускай культуры, праводзяцца штогод у рамках Дзён славянскай культуры. У адкрыцці мерапрыемства прынялі ўдзел члены рады і калектывы беларускага таварыства "Уздым", кіраўнік і члены беларускага таварыства з горада Вісагінаса (Літва), прадстаўнікі гарадской думы, расійскага, польскага, латышскага, украінскага нацыянальных таварыстваў.

Генеральны консул Беларусі ў Даўгаўпілсе (Латвія) Уладзімір Клімаў у прывітальным слове адзначыў, што Дні культуры даюць магчымасць азнаёміцца са звычаямі, традыцыямі і асаблівасцямі нацыянальнай культуры, садзейнічаюць наладжванню ўзаемаразумення паміж людзьмі суседніх краін, павышэнню ўзаемнага даверу і робяць кожнага духоўна багацейшым.

Праграма Дзён беларускай культуры прадугледжвае творчыя вечары калектываў мастацкай самадзейнасці, майстар-класы па бісерапляценні, вязанні беларускіх паясоў, канцэрт песень на словы члена беларускага таварыства "Уздым", паэта, члена Саюза пісьменнікаў Беларусі Станіслава Валадзько і інш. У мерапрыемствах будуць таксама ўдзельнічаць прадстаўнікі прыгранічных раёнаў Беларусі.

Пры садзейнічанні генконсульства адбылося адкрыццё Даўгаўпілскага філіяла Беларускага інфармацыйнага цэнтра ў Латвіі. На першым этапе інфармацыйны цэнтр забяспечыць доступ да матэрыялаў, што прадастаўляюцца Нацыянальным цэнтрам прававой інфармацыі. Пагадненне аб супрацоўніцтве падпісана старшынёй Беларускага інфармацыйнага цэнтра ў Латвіі Уладзіславам Рэдзькіным і кіраўніком Цэнтра беларускай культуры Жаннай Раманоўскай.

Акрамя таго, у Цэнтры беларускай культуры адкрыты Беларускі турыстычны інфармацыйны цэнтр.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску