Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

10 Dec 2021

Дары вешчуноў і пояс Вітаўта: выстаўка галаграм у Гомелі пакажа аптычныя вобразы культурных каштоўнасцей

Дары вешчуноў і пояс Вітаўта: выстаўка галаграм у Гомелі пакажа аптычныя вобразы культурных каштоўнасцей

10 снежня, Гомель /Кар. БЕЛТА/. Выстаўка "Галаграфія-2021. Гомель" адкрыецца сёння ў карціннай галерэі Г.Х.Вашчанкі, паведамілі БЕЛТА арганізатары.

У цэнтры экспазіцыі - калекцыя мастацкіх галаграм дакладных аптычных вобразаў мастацкіх і культурных каштоўнасцей, арыгіналы якіх недаступны шырокаму колу. "Прадстаўленыя ў экспазіцыі галаграмы створаны дзякуючы навуковым распрацоўкам і пад непасрэдным кіраўніцтвам беларускага вучонага-фізіка Леаніда Таніна на ТАА "Магія святла". Такія тэхналогіі адзіныя ў рэспубліцы, але актыўна развіваюцца ва ўсім свеце", - расказалі арганізатары.

У супрацоўніцтве з Беларускай праваслаўнай царквой і шэрагам музеяў рэспублікі створаны галаграфічныя выявы праваслаўных святынь. Гэта "Дары вешчуноў", "Крыж Ефрасінні Полацкай", "Жыровіцкі абраз Божай Маці", "Тураўскі крыж", аптычныя копіі каштоўных экспанатаў музеяў "Пояс Вітаўта", "Слуцкі пояс", "Скарбы зямлі беларускай", калекцыі ордэнаў і медалёў, а таксама некаторых іншых цікавых экспанатаў.

Юным наведвальнікам будуць цікавымі галаграмы дамашніх і дзікіх жывёл, дагістарычных рыб і птушак, акулы. "Аматары флоры ўбачаць чароўны свет кветак. Свет галаграмы не толькі ўражвае, але і прыўносіць у наша жыццё нешта дзіўнае", - адзначылі ў карціннай галерэі.

Арганізатарамі выстаўкі выступаюць ТАА "Магія святла", ЗАТ "Галаграфічная індустрыя" і дзяржаўная ўстанова "Карцінная галерэя Г.Х. Вашчанкі".

Гэтыя мастацкія галаграмы былі прадстаўлены ў 17 краінах, выстаўкі паспяхова прайшлі ва ўсіх абласных цэнтрах Беларусі і іншых буйных гарадах.

Экспазіцыя ў Гомелі будзе даступна па 31 студзеня 2022 года.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі