У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

5 Крс 2016

Дар'я Домрачава пасля нараджэння дзіцяці мае намер вярнуцца ў спорт у студзені 2017 года

5 красавіка, Мінск /Кар. БЕЛТА/. Трохразовая алімпійская чэмпіёнка Дар'я Домрачава на сваім сайце пацвердзіла, што восенню стане мамай, паведамляе карэспандэнт БЕЛТА.

У паведамленні спартсменкі гаворыцца: "Наша жыццё шматграннае. І вельмі важна самыя значныя ў ім мэты ажыццявіць своечасова. 30 гадоў - цудоўны ўзрост для нараджэння дзіцяці. Восенню я стану мамай! Гэта падзея запланаваная і вельмі жаданая. Сёння - гэта самае галоўнае, што адбываецца ў маім жыцці!

У сувязі з гэтым хачу крыху супакоіць сваіх спартыўных балельшчыкаў. Я прадаўжаю ўмераныя трэніроўкі пад наглядам спецыялістаў і буду вельмі старацца вярнуцца да гонак у студзені. Зразумела, я думаю, што будзе няпроста, але я як заўсёды гатова сур'ёзна працаваць, крок за крокам вяртаючыся ў добрую спаборніцкую форму, і ўжо вельмі сумую па духу вялікага біятлона. Цяпер я хацела б спакойна трэніравацца і адпачываць, таму ўдзел у розных мерапрыемствах, куды я атрымліваю шматлікія запрашэнні, не ўваходзіць у мае планы.

Я пераканаўча прашу з павагай паставіцца да гэтай навіны, не спекулюючы на гэтай тэме і не спрабуючы атрымаць дадатковыя каментарыі. Гэта вельмі важны для мяне перыяд і я шчыра спадзяюся на ваша разуменне".

Інфармацыю аб тым, што Домрачава хутка стане мамай, сёння распаўсюдзіў легендарны нарвежскі біятланіст Уле-Эйнар Б'ёрндален, з якім Дар'ю звязваюць блізкія адносіны.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску