Падзеі, факты, анонсы

13 Кст 2025

"Дай лесу новае жыццё!": за выхадныя беларусы высадзілі больш за 1,8 млн дрэў

Фота з архiва

13 кастрычніка, Мінск /Кар. БЕЛТА/. За выхадныя беларусы высадзілі больш за 1,8 млн дрэў, паведамілі БЕЛТА ў прэс-службе Міністэрства лясной гаспадаркі.

Усяго за два дні правядзення добраахвотнай грамадскай акцыі "Дай лесу новае жыццё!" у ёй прынялі ўдзел звыш 7,5 тыс. чалавек. Сумеснымі намаганнямі работнікі лясгасаў і валанцёры высадзілі ў лесе 1 821 990 дрэў. Лесааднаўленне праведзена на 448 участках.

У Мінлясгасе адзначылі, што ў рамках акцыі валанцёры таксама дапамагалі наводзіць парадак у лесе, стваралі памятныя алеі і рэстаўрыравалі месцы адпачынку.

У лідарах па тэмпах работ пакуль Гомельская вобласць. Жыхары гэтага рэгіёна найбольш актыўна падтрымалі ініцыяваную Мінлясгасам кампанію.

Акцыя "Дай лесу новае жыццё!" стартавала 11 кастрычніка і прадоўжыцца да 31 кастрычніка ўключна. Прыняць удзел у ёй можа кожны жадаючы. Для гэтага дастаткова звярнуцца ў любы лясгас або лясніцтва і заявіць аб сваім жаданні. Са свайго боку арганізацыі забяспечаць усіх валанцёраў неабходным пасадачным матэрыялам і інвентаром.